ମୁମ୍ବାଇ,୧୯।୮: ମହାରାଷ୍ଟ୍ର ନବନିର୍ମାଣ ସେନା ମୁଖ୍ୟ ରାଜ୍ ଠାକ୍ରେଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ସମନ୍ ଜାରି କରାଯାଇଛି। ନିର୍ମାଣ କ୍ଷେତ୍ରରେ ଲିଜିଂ ଏବଂ ଆର୍ଥିକ ସେବା କ୍ଷେତ୍ରରେ କେତେକ ଅନିୟମିତତା ହୋଇଥିବା ଅଭିଯୋଗ ଆଧାରରେ ରାଜ୍ଙ୍କୁ ସମନ କରାଯାଇଥିବା କୁହାଯାଉଛି। ଏନେଇ ମହାରାଷ୍ଟ୍ର ନବନିର୍ମାଣ ସେନା ସଦସ୍ୟ ସନ୍ଦିପ୍ ଦେଶପାଣ୍ଡେ ସୂଚନା ଦେଇଛନ୍ତି। ଏହାଦ୍ୱାରା ରାଜ୍ଙ୍କ ଉପରେ ଚାପ ପକାଯାଉଥିବା ସନ୍ଦିପ୍ କହିଛନ୍ତି। ଗତ ୫-୬ ବର୍ଷ ମଧ୍ୟରେ ଭାଜପାର କୌଣସି ନେତାଙ୍କ ଉପରେ ଇଡ଼ି ପକ୍ଷରୁ ତଦନ୍ତ କରାଯାଇ ନାହିଁ। ଏଭଳି ତଦନ୍ତ କେବଳ ଅନ୍ୟ ଦଳ ସଦସ୍ୟଙ୍କ ଉପରେ କରାଯାଉଥିବା ସନ୍ଦିପ୍ ଅଭିଯୋଗ କରିଛନ୍ତି। ରାଜ୍ ଭାଜପା ଶାସନକୁ ହିଟଲରଙ୍କ ଏକଛତ୍ରବାଦୀ ଶାସନ କହିିଥିବାରୁ ଆକ୍ରୋଶ ମୂଳକ ଭାବେ ଏଭଳି କରାଯାଉଥିବା ସନ୍ଦିପ୍ କହିଛନ୍ତି।