ବରଗଡ଼ ଅଫିସ,୮।୬: ବରଗଡ଼ ପୌର ପରିଷଦ ଅନ୍ତର୍ଗତ ୱାର୍ଡ ନଂ. ୧୭ ରାଧାମାଧବ ପଡ଼ାକୁ ମୌଳିକ ସୁବିଧା ସୁଯୋଗ ମିଳୁ ନ ଥିବା ଅଭିଯୋଗ ହୋଇଛି। ରାସ୍ତାଘାଟ ଭୁଷୁଡି ପଡ଼ିଥିବାବେଳେ ପାନୀୟ ଜଳ ସୁବିଧା ଏବଂ ଡ୍ରେନ ବ୍ୟବସ୍ଥା ନ ଥିବାରୁ ପଡ଼ାବାସୀ ବହୁ ଅସୁବିଧାର ସମ୍ମୁଖିନ ହେଉଛନ୍ତି। ଏଭଳି ଅଭିଯୋଗ ନେଇ ପଡ଼ାର ମହିଳାମାନେ ବରଗଡ଼ ଜିଲାପାଳ ଜ୍ୟୋତିରଞ୍ଜନ ପ୍ରଧାନଙ୍କୁ ସୋମବାର ଏକ ସ୍ମାରକପତ୍ର ପ୍ରଦାନକରି ଏ ଦିଗରେ ବିହିତ ପଦକ୍ଷେପ ନେବାକୁ ଅନୁରୋଧ କରିଛନ୍ତି। ସ୍ମାରକପତ୍ର ପ୍ରଦାନ ସମୟରେ ସୁନୀତା ନାଗ, ମୀନା ନାଗ, ରୂପମ କ୍ଷେତ୍ରୀ, ସବିତା ସେଠ, ମମତା ଭେସ୍ରା ପ୍ରମୁଖ ଉପସ୍ଥିତ ଥିଲେ।