ରାନୀ ପ୍ରିୟଦର୍ଶିନୀ। ନିଜ ରିଲ୍ ଲାଇଫକୁ ନେଇ ସେ ବେଶ୍ ସଚେତନ। ‘କଟି ପତଙ୍ଗ’ରେ ଅଭିନୟ କରିବା ପରେ ଏଣିକି ଦେଖିଚାହିଁ ପାଦ ପକାଇବେ ବୋଲି କହନ୍ତି ଏହି ଅଭିନେତ୍ରୀ। ଏ ସମ୍ପର୍କରେ ସେ କହନ୍ତି, ‘ଏହି ଫିଲ୍ମରେ ମୋତେ ଯେଉଁ ଭୂମିକାଟି ମିଳିଥିଲା ତାହା ମୋ ପାଇଁ ଏକ ଚ୍ୟାଲେଞ୍ଜ ଥିଲା। ତା’ପାଇଁ ମୋତେ ମଧ୍ୟ ବେଶ୍ ପରିଶ୍ରମ କରିବାକୁ ପଡଥିଲା। ନିକଟରେ ମୋତେ ୨-୩ ଓଡିଆ ସିନେମାରେ ଅଭିନୟ କରିବାକୁ ଅଫର ମିଳିଛି। ସେହି ଫିଲ୍ମଗୁଡିକର କାହାଣୀ ଏବଂ ମୋ ଭୂମିକାକୁ ଭଲ ଭାବରେ ତର୍ଜମା କରିବା ପରେ ହିଁ ସେଥିରେ ଅଭିନୟ କରିବି କି ନାହିଁ ସେ ବିଷୟରେ ନିଷ୍ପତ୍ତି ନେବି। ଆକ୍ଟିଂ କ୍ଷେତ୍ରରେ ଆଦୌ ତରତର ହେବି ନାହିଁ। ଦେଖିଚାହିଁ ପାଦ ପକାଇବି। ଶସ୍ତା ଭୂମିକାରେ ଆକ୍ଟିଂ କରିବା ଅପେକ୍ଷା ବର୍ଷକୁ ଗୋଟିଏ ଦୁଇଟି ସିନେମାରେ ଅଭିନୟ କଲେ କିଛି କ୍ଷତି ନାହିଁ।’ ତେବେ ଆଲବମ୍ କୁଇନ୍ ଭାବରେ ପରିଚିତା ରାନୀ ନିଜ ନୂଆ ଯୋଜନା ଅନୁସାରେ ଓଲିଉଡ୍ରେ କେତେ ବାଜିମାତ କରୁଛନ୍ତି ତାହା ଦେଖିବାକୁ ବାକି ରହିଲା।