ଖଣ୍ଡପଡ଼ା,୨୦ା୫(ସ୍ବ.ପ୍ର.)-କଣ୍ଟିଲୋ ରଘୁନାଥ ଜୀଉ ନାଟ୍ୟ ସମିତି, କଂସାରୀ ସାହି ପାଟଣା ଆନୁକୂଲ୍ୟରେ ଶନିବାର ୨ୟ ରାତିରେ ପୁରାଣ ବର୍ଣ୍ଣିତ ରାମାୟଣ କଥାବସ୍ତୁକୁ ନେଇ ନାଟକ ପରିବେଷିତ ହୋଇଥିଲା। ଏହି ଅବସରରେ ଶିବଧନୁ ଭଗ୍ନ, ସୀତା ବିବାହ ଓ ମିଥିଲ୍ୟା ପ୍ରବେଶ ଦୃଶ୍ୟରେ ଦର୍ଶକ ବିଭୋର ହୋଇଥିଲେ। ଜନକଙ୍କ ସର୍ତ୍ତ ଅନୁସାରେ ଯିଏ ଶିବଧନୁ ଭାଙ୍ଗିବ ସୀତା ତାଙ୍କ ଗଳାରେ ବରଣମାଳା ଦେବେ। ଏଥିପାଇଁ ବିଭିନ୍ନ ଦେଶରୁ ଆସିଥିବା ରାଜାମାନେ ଆୟୋଜିତ ସ୍ବୟଂମ୍ଭର ସଭାରେ ଉପସ୍ଥିତ ଥିଲେ। ଲଙ୍କା ନରେଶ ରାବଣଙ୍କଠାରୁ ଆରମ୍ଭ କରି କେହି ମଧ୍ୟ ଶିବଧନୁ ଭାଙ୍ଗିବା ଦୂରେ ଥାଉ ଉଠାଇ ମଧ୍ୟ ପାରିଲେନି। ଏଥିରେ ଲଜ୍ୟାବୋଧ କରି ରାବଣ ନିଜ ଆସନ ପରିତ୍ୟାଗ କରି ଅନ୍ୟ କେହି ଯେପରି ଧନୁ ଭାଙ୍ଗି ପାରିବେ ନାହିଁ ସେଥିପାଇଁ ରାହୁଙ୍କୁୁ ଧନୁ ଉପରେ ବସି ରହିବାକୁ ନିର୍ଦ୍ଦେଶ ଦେଇଥିଲେ। ଫଳରେ କେହି ରାଜା ଧନୁକୁ ଉଠାଇ ନ ପାରି ବାଧ୍ୟ ହୋଇ ସ୍ବୟଂମ୍ଭର ସଭା ପରିତ୍ୟାଗ କରିଥିଲେ। ସମସ୍ତ ରାଜା ସ୍ଥାନ ଛାଡି ଚାଲିଯାଉଥିବା ଦେଖି ରାହୁ ମଧ୍ୟ ଉଠି ଚାଲି ଯାଇଥିଲେ। ଏହି ସୁଯୋଗରେ ବିଶ୍ୱାମିତ୍ର ମୁନିଙ୍କ ନିର୍ଦ୍ଦେଶ କ୍ରମେ ରାମଚନ୍ଦ୍ର ଶିବଧନୁକୁ ଭୂମିରୁ ଉଠାଇ ଭାଙ୍ଗି ଦେଇଥିଲେ। ବିଶେଷ ଭାବେ ଏହି ଦୃଶ୍ୟ ରାମଭକ୍ତ ତଥା ଦଶର୍ର୍କଙ୍କୁ ବିଭୋର କରିଥିଲା। ଜନକଙ୍କ ସମ୍ମତି କ୍ରମେ ରାମଚନ୍ଦ୍ର ସୀତାଙ୍କୁ ବିବାହ କରିଥିଲୋ ସୀତାରାମ ଜନକପୁର ମିଥିଲ୍ୟା ଗମନ କରିଥିଲେ। ନାଟକ ଦେଖିବାକୁ ଶନିବାର ବିଳମ୍ବିତ ରାତିରୁ ରବିବାର ସକାଳ ୪ଟା ପର୍ଯ୍ୟନ୍ତ ଦର୍ଶକ ଉପସ୍ଥିତ ଥିଲେ। ରାମ, ଲକ୍ଷ୍ମଣ ଓ ସୀତା ଭୂମିକାରେ ଯଥାକ୍ରମେ ଶିଶୁ କଳାକାର ସୁରଜ, ଶିବୁ ଓ ରାଜା ଅଭିନୟ କରିଥିଲେ। ସେହିପରି ଜନକ, ବିଶ୍ୱାମିତ୍ର, ସହସ୍ରାର୍ଜୁନ, ବାଣାସୁର ଭୂମିକାରେ ଲକ୍ଷ୍ମୀଧର ଚିନ୍ନରା, ଭୂଷଣ ସାହୁ, ଭିକାରୀ ଚରଣ ସାହୁ ଓ ବିରଞ୍ଚତ୍ ନାରାୟଣ ସାହୁ ପ୍ରମୁଖ ଅଭିନୟ କରିଥିଲେ। ନାଟ୍ୟ ପରିଚାଳନାରେ ସୁରେନ୍ଦ୍ର ନାଥ ସାହୁ, ରମାକାନ୍ତ ସାହୁ, ରାଜେଶ କୁମାର ସାହୁ, ବସନ୍ତ ସାହୁ, ନିରଞ୍ଜନ ମିଶ୍ର ପ୍ରମୁଖ ସହଯୋଗ କରିଥିଲେ।