ଚୌଦ୍ୱାର,୧୧।୪(ଡି.ଏନ୍.ଏ.): କରୋନା ସହାୟତା ନେଇ ରାଜ୍ୟ ସରକାରଙ୍କ ପକ୍ଷରୁ ପ୍ରତ୍ୟେକ ରାଶନକାର୍ଡଧାରୀଙ୍କୁ ୧ ହଜାର ଟଙ୍କା ସହାୟତା ରାଶି ପ୍ରଦାନ ପାଇଁ ଘୋଷଣା କରାଯାଇଛି। ଏନେଇ ଚୌଦ୍ୱାର ପୌରପାଳିକାର ୧୯ଟି ଓ୍ବାର୍ଡରେ ସହାୟତା ରାଶି ବଣ୍ଟନ କରାଯାଇଛି। ମାତ୍ର ସହାୟତା ରାଶି ନେବାକୁ ଆସୁଥିବା ଲୋକେ ସାମାଜିକ ଦୂରତା ଅବଲମ୍ବନ କରୁ ନ ଥିବା ଦେଖିବାକୁ ମିଳିଛି ା ଶନିବାର ପୌରପାଳିକାର ୧୭ ଓ ୧୮ନଂ. ଓ୍ବାର୍ଡରେ ଏହି ରାଶି ବଣ୍ଟନ ଚାଲିଥିବା ବେଳେ ଏଭଳି ଘଟଣା ଦେଖିବାକୁ ମିଳିଥିଲା। ପରେ ୱାର୍ଡ ସଭାପତି ଆଶୁତୋଷ ଦାସ, ପୂର୍ବତନ କାଉନସିଲର ଗିରିଧାରୀ ଦଳାଇ ଓ ସ୍ଥାନୀୟ ଯୁବକଙ୍କ ହସ୍ତକ୍ଷେପ ପରେ ଅର୍ଥରାଶି ପ୍ରଦାନ କରାଯାଇଥିଲା ା ଉକ୍ତ ୨ଟି ୱାର୍ଡରେ ଥିବା ୭୩୬ ହିତାଧିକାରୀଙ୍କୁ ପୌର କର୍ମଚାରୀ ଲକ୍ଷ୍ମୀଧର ସ୍ବାଇଁ, ରବୀନ୍ଦ୍ର ବାରିକ୍ ଓ ରଶ୍ମୀରଞ୍ଜନ ଦାସ ପ୍ରମୁଖ ପ୍ରଦାନ କରିଥିଲେ। ଅର୍ଥରାଶି ପ୍ରଦାନ ବେଳେ ପୌରକର୍ମଚାରୀ ସାମାଜିକ ଦୂରତ୍ୱ ଉପରେ ଗୁରୁତ୍ୱାରୋପ କରିବା ପାଇଁ ସାଧାରଣରେ ଦାବି ହେଉଛି।
