ପାତ୍ରପୁର, ୨୩ା୪(ଡି.ଏନ୍.ଏ.)- ସରକାର ଲକ୍ଡାଉନରେ ଲାଗି ରାଶନକାର୍ଡଧାରୀଙ୍କୁ ହଜାରେ ଟଙ୍କା ସହାୟତା ପ୍ରଦାନ କରିଛନ୍ତି। ହେଲେ ପାତ୍ରପୁର ବ୍ଲକ ବରଙ୍ଗ ପଞ୍ଚାୟତରେ ହଜାରେ ଟଙ୍କା ବଦଳରେ ହିତାଧିକାରୀଙ୍କୁ ନଅ ଶହ ଟଙ୍କା ପ୍ରଦାନ କରାଯାଉଥିବା ଭିଡ଼ିଓ ଭାଇରଲ୍ ହୋଇଥିଲା। ଏନେଇ ତହସିଲଦାର ଡ଼. ଶ୍ରୀନିବାସ ବେହେରା, ବିଡ଼ିଓ ପ୍ରକାଶ ଦାସ, ଏଡ଼ିଏମ୍ ଡ଼. ଦିବ୍ୟଲୋଚନ ମହନ୍ତ ଜିଲାପାଳଙ୍କ ନିର୍ଦ୍ଦେଶରେ ଗଁାରେ ପହଞ୍ଚତ୍ ତଦନ୍ତ କରିଥିଲେ। ରିପୋର୍ଟ ପ୍ରଦାନ ପରେ ଜିଲାପାଳ ଗ୍ରାମ ରୋଜଗାର ସେବକ (ଜିଆରଏସ୍) କିଶୋର ଚନ୍ଦ୍ର ପ୍ରଧାନଙ୍କୁ ବହିଷ୍କାର କରିଛନ୍ତି। ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ଚିଠି ନଂ.୩୯୧୭ ପ୍ରକାରେ ବହିଷ୍କୃତ ହୋଇଥିବା ଜଣାପଡ଼ିଛି। ପ୍ରକାଶ ଯେ, ଗ୍ରାମରେ ୫୨ ପରିବାରଙ୍କର ରାଶନ କାର୍ଡ ନ ଥିବାରୁ ୪୫୦ କାର୍ଡଧାରୀଙ୍କ ଠାରୁ ଶହେ ଟଙ୍କା ଲେଖାଏ କାଟି ସେମାନଙ୍କୁ ଦିଆଯିବାକୁ ନିଷ୍ପତ୍ତି ହୋଇଥିଲା।
