ମୁଖଭାଗରେ ଶୁକ୍ର ଓ ଚନ୍ଦ୍ର ଥିବାରୁ ହସ, ଖୁସି, ମଜାମଉଜରେ ଦିନଟି ଅତିବାହିତ ହେବ । ଆର୍ଥିକ ସ୍ଥିତି ବହୁତ ଭଲ ରହିବା ସହ ଆପଣଙ୍କ ଜୀବନଯାତ୍ରା ଶୃଙ୍ଖଳିତ ରହିବ । ଆଲୋଚନା ଓ ସମାଲୋଚନା ଭିତରେ ସମାଧାନରେ ଶାନ୍ତି ଫେରିଆସିବ ା ନିଜ ଲୋକମାନଙ୍କ ଉପରେ ପୂର୍ଣ୍ଣ ଭରସା କରିପାରିବେ ନାହିଁ
ଆଜିର ଗ୍ରହସ୍ଥିତି ଆପଣଙ୍କ ମନରେ ପ୍ରସନ୍ନତା ଭରିଦେବ କର୍ମକ୍ଷେତ୍ରସ୍ଥ ପ୍ରତ୍ୟେକ ସ୍ଥଗିତ କାମକୁ ଧୀର ମନ୍ଥର ଗତିରେ ଆଗକୁ ବଢ଼ାଇନେବେ । କିନ୍ତୁ ଚତୁର୍ଥ ଭାବରୁ ଅଷ୍ଟମସ୍ଥ ରବି ପ୍ରଭାବରେ ଘରୋଇ କଳହକୁ ନେଇ ମଧ୍ୟ ଅଶାନ୍ତି ଲାଗି ରହିପାରେ ା ଆଇନ ଅଦାଲତ,ସାହିତ୍ୟଚର୍ଚ୍ଚା କ୍ଷେତ୍ର ମନ୍ଦ ହେବନି ।
ସ୍ବସ୍ଥାନହନ୍ତା ବୃହସ୍ପତି ପାପଯୁକ୍ତ ହେତୁ ପରିବାରରେ ଭୁଲ୍ ବୁଝାମଣାଜନିତ ଟିକିଏ ଟିକିଏ କଥାରେ କଳହ ଲାଗିପାରେ । ଟଙ୍କା ପଇସା ସମ୍ପର୍କିତ ଝମେଲାର ସମ୍ମୁଖୀନ ହେବାର ସମ୍ଭାବନା ରହିଛି । ସନ୍ତାନଙ୍କ ସକାଶେ ଦୁଶ୍ଚିନ୍ତା ବୃଦ୍ଧି ପାଇପାରେ । ପରିବହନ, ବ୍ୟବସାୟ,ସଭାସମିତି, ଜମିଜମା, ଆଲୋଚନା ସ୍ଥଗିତ ରହିଯିବ ।
ଶୁଭଭାବରେ ଗ୍ରହଙ୍କ ସ୍ଥିତି ଆପଣଙ୍କ ଦୈହିକ ଏବଂ ମାନସିକ ସ୍ଥିତିକୁ ଋଦ୍ଧିମନ୍ତ କରିବ । ପରିବାର ସଦସ୍ୟଙ୍କ ଗହଣରେ ବିଭିନ୍ନ ଆଲୋଚନାରେ ଅଂଶଗ୍ରହଣ କରି ଖୁସି ହେବେ । ସାଙ୍ଗଠନିକ କିମ୍ବା ଆନୁଷ୍ଠାନିକ କ୍ଷେତ୍ର କେତେକାଂଶରେ ବାଧାପ୍ରାପ୍ତ ହେବ । କର୍ମଜଞ୍ଜାଳ ବୃଦ୍ଧି ପାଇବା କାରଣରୁ କ୍ଳାନ୍ତି ଓ ଅବସାଦ ଦେଖାଦେଇପାରେ ।
କର୍ମକ୍ଷେତ୍ରରେ ବାଧା ଉପୁଜିଲେ ମଧ୍ୟ ଶନିଙ୍କ ଶୁଭ ପ୍ରଭାବରେ ପ୍ରବଳ ଇଚ୍ଛାଶକ୍ତି ଆପଣଙ୍କୁ ସାହାଯ୍ୟ କରିବାରେ ସମର୍ଥ ହେବ । ଖର୍ଚ୍ଚ ପରିମାଣ ବୃଦ୍ଧି ଯୋଗୁ ମନରେ ସରସତା ରହି ନ ପାରେ । ଗଠନମୂଳକ କାର୍ଯ୍ୟରେ ନେତୃତ୍ୱ ଗ୍ରହଣ କରି ଉଚ୍ଚପ୍ରଶଂସିତ ହେବେ। ବ୍ୟବସାୟ ଭଲ ରହିବ ଏବଂ ପାରିବାରିକ ସ୍ଥିତି ପୂର୍ବପରି ରହିପାରେ ।
ଦୀର୍ଘଦିନର ପ୍ରଚେଷ୍ଟା ପରେ ଋଣ ସୂତ୍ରରେ ଆଜି ହିଁ ଅର୍ଥଲାଭ କରିବେ । ସ୍ତ୍ରୀଙ୍କ ବରାଦ, ପ୍ରତିଦ୍ୱନ୍ଦ୍ୱୀଙ୍କ କାର୍ଯ୍ୟକଳାପ, ବାଣିଜ୍ୟରେ ପ୍ରତିବନ୍ଧକ ଓ ଯାତ୍ରା କ୍ଷେତ୍ରରେ ଦୁଶ୍ଚିନ୍ତା ବଢ଼ିପାରେ । ଶତ୍ରୁତା କରୁଥିବା ବ୍ୟକ୍ତିମାନେ ଆଗରେ ନ ହେଲେ ମଧ୍ୟ ପଛରେ ବିଭିନ୍ନ ପ୍ରକାର ଆକ୍ଷେପୋକ୍ତି କରିପାରନ୍ତି ।
ଅଷ୍ଟମସ୍ଥ ଚନ୍ଦ୍ର ଆପଣଙ୍କ କାମକୁ ପ୍ରତିହତ କଲେ ମଧ୍ୟ ଅର୍ଥସଂକଟରୁ ମୁକ୍ତ କରାଇବ । କିନ୍ତୁ କର୍ମକ୍ଷେତ୍ରରେ ଆଳସ୍ୟ ଓ ଅବହେଳା ସାଙ୍ଗକୁ କାଳକ୍ଷେପଣ ନୀତି ହେତୁ ସଫଳତା ପାଇବା କଷ୍ଟକର ହୋଇପାରେ । ନିଜ ଲୋକମାନେ ଈର୍ଷାପରାୟଣ ହୋଇ ପରିସ୍ଥିତିକୁ ଭିନ୍ନ ରୂପ ଦେଇପାରନ୍ତି । ମୂଳଲକ୍ଷ୍ୟକୁ ଛାଡ଼ି ଛୋଟ କାମ ହାତକୁ ନେବେ ।
ଅଭିଳାଷ ପୂରଣ ନ ହେବା କାରଣରୁ ଅନୁରାଧା ନକ୍ଷତ୍ର ବାରମ୍ବାର ନିଜର ମତ ବଦଳାଇବାକୁ ବାଧ୍ୟ ହେବେ । ରବି ଓ ରାହୁଙ୍କ ପ୍ରଭାବରୁ ଜନକଲ୍ୟାଣ କାର୍ଯ୍ୟ, ପ୍ରଶାସନିକ ସ୍ତରରେ ସାହସିକତା ପ୍ରଦର୍ଶନ କରି ଉଚ୍ଚପ୍ରଶଂସିତ ହୋଇପାରନ୍ତି । ଯାନବାହନରେ ଯାତାୟାତରେ ସତର୍କତା ରକ୍ଷା ନ କଲେ ବହୁମୂଲ୍ୟ ଦେବାକୁ ପଡ଼ିପାରେ ।
ପାରସ୍ପରିକ ବିବାଦ କାରଣରୁ ଉନ୍ନୟନମୂଳକ କାମ ବାଧାପ୍ରାପ୍ତ ହେବାର ସମ୍ଭାବନା ରହିଛି । ଶାରୀରିକ ସୁସ୍ଥତା ଫେରିପାଇବା ସାଙ୍ଗକୁ କଲ୍ୟାଣମୂଳକ କାର୍ଯ୍ୟ, ପ୍ରଶାସନିକ କ୍ଷେତ୍ରରେ ଶୁଭଫଳ ମିଳିବ । ପାରିବାରିକ, ପରିବହନ, ଛୋଟ ଦୋକାନ, ହୋଟେଲ ପ୍ରଭୃତିରୁ ଆଶାଜନକ ସୁଫଳ ମିଳିବାର ଆଶା କରାଯାଇପାରେ ।
ରାଶ୍ୟାଧିପତିଙ୍କ ସୁପ୍ରଭାବ ଯୋଗୁ କାର୍ଯ୍ୟସିଦ୍ଧି, ଆରୋଗ୍ୟଲାଭ, ଆର୍ଥିକ ଉନ୍ନତି ହେତୁ ଖୁସି ଅନୁଭବ କରିବେ । କିନ୍ତୁ ଶୁକ୍ରଙ୍କ ଭାବସ୍ଥିତିରୁ କର୍ମକ୍ଷେତ୍ରରେ ବନ୍ଧୁ କିମ୍ବା ସହକର୍ମୀଙ୍କ ସହ ତିକ୍ତତା ଦେଖାଦେଇପାରେ। ବ୍ୟବସାୟ ଓ ବାଣିଜ୍ୟରେ ପ୍ରତିବନ୍ଧକ ସୃଷ୍ଟି ହେଲେ ମଧ୍ୟ କୌଣସି ଅସୁବିଧା ହେବ ନାହିଁ ।
ମଙ୍ଗଳଯୁକ୍ତ ଶନିଙ୍କ କୁପ୍ରଭାବରେ ବିଭିନ୍ନ ସମସ୍ୟା ସହ ଧନହାନି ଘଟିପାରେ । ନିଜ ଲୋକମାନଙ୍କ କାର୍ଯ୍ୟକଳାପ ନେଇ ବ୍ୟସ୍ତ ବିବ୍ରତ ହୋଇପାରନ୍ତି । ଜନକଲ୍ୟାଣ କାମକରିବା ପରିପ୍ରେକ୍ଷୀରେ ଜନପ୍ରିୟ ହେବେ । ଆଗାମୀ ସମୟରେ ନୂତନ ଭାବେ ଆରମ୍ଭ କରିବାକୁ ଥିବା କାର୍ଯ୍ୟ ସକାଶେ ତପତ୍ରତା ପ୍ରକାଶ କରିପାରନ୍ତି ।
ବନ୍ଧୁଙ୍କ ସହ ସାଧାରଣ କଥାକୁ କେନ୍ଦ୍ରକରି ମଧ୍ୟାହ୍ନେ ମତାନ୍ତର ସୃଷ୍ଟି ହୋଇପାରେ । ସାଙ୍ଗଠନିକ କାର୍ଯ୍ୟରେ
ନେତୃତ୍ୱ ନେଇ ପ୍ରଶଂସିତ ହେବେ । ବାଧ୍ୟବାଧକତାରେ ଇଚ୍ଛା ବିରୋଧରେ କୌଣସି କାମ କରି ଅନୁତାପ କରିବାକୁ ପଡ଼ିପାରେ । ପରିବାର, କର୍ମକ୍ଷେତ୍ର ଓ ବ୍ୟବସାୟିକ କ୍ଷେତ୍ର ଗତାନୁଗତିକ ରୀତିରେ ଆଗକୁ ଗଡ଼ିଚାଲିବ ।