ବାରାଣସୀ,୩୦।୯: ସମସ୍ତେ ପୋଖରୀ ଓ ନଦୀମାନଙ୍କରେ ମାଛ ପହଁରୁଥିବାର ଦେଖିଥିବେ। ହେଲେ କେବେ ରାସ୍ତା ଉପରେ ମାଛ ପହଁରୁଥିବାର ଦେଖିଛନ୍ତି। କଥାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ। ଏହି ଦୃଶ୍ୟ ଦେଖିବାକୁ ମିଳିଛି ଉତ୍ତରପ୍ରଦେଶର ବାରାଣସୀରେ। ସୂଚନାଯୋଗ୍ୟ, ଗତ ୪ ଦିନରୁ ଲାଗିରହିଥିବା ବର୍ଷା ଯୋଗୁ ଉତ୍ତରପ୍ରଦେଶ ବେହାଲ୍ ହୋଇପଡ଼ିଥିବା ବେଳେ ବନ୍ୟା ପରିସ୍ଥିତି ଦେଖାଦେଇଛି। ରାଜ୍ୟର ବିଭିନ୍ନ ସ୍ଥାନ ଜଳାର୍ଣ୍ଣବ ହୋଇଯାଇଥିବା ବେଳେ ସହରର ବହୁ ଘରଗୁଡ଼ିକ ପାଣି ଘେରରେ ରହିଛନ୍ତି। ଲଗାଣ ବର୍ଷା ଯୋଗୁ ନଦୀ, ନାଳ ଓ ପୋଖରୀ ଫୁଲିଥିବା ବେଳେ ଏହାର ଉଛୁଳା ପାଣି ରାସ୍ତା ଉପରେ ଜମା ହୋଇଯାଇଛି। ଏଭଳି ସ୍ଥିତିରେ ମାଛ ମାନଙ୍କ ପାଇଁ ରାସ୍ତା ଏକପ୍ରକାର ପୋଖରୀ ସଦୃଶ ପାଲଟିଛି। ଏହି ରାସ୍ତାଗୁଡ଼ିକରେ ରଙ୍ଗବେରଙ୍ଗର ମାଛ ଖେଳୁଥିବାର ଦୃଶ୍ୟ ନଜର ଆସିଛି। ଆଉ ଏହାକୁ ଦେଖିବା ପାଇଁ ଲୋକଙ୍କ ଭିଡ଼ ଜମୁଥିବା ବେଳେ ଉକ୍ତ ମାଛଗୁଡ଼ିକ ସହ ସେଲଫି ମଧ୍ୟ ନେଉଥିବା ଦେଖିବାକୁ ମିଳିଛି।