ଛେଣ୍ଡିପଦା,୨୬।୯(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ଥାନା ଅଞ୍ଚଳର ଜନୈକ ଯୁବକ ରାସ୍ତାରେ ଜଣେ ସ୍କୁଲ ଛାତ୍ରୀଙ୍କୁ ପ୍ରେମ ନିବେଦନ କରି ନିର୍ଧୁମ ଛେଚା ଖାଇଛନ୍ତି।
ସୂଚନାନୁଯାୟୀ, ବିଦ୍ୟାଳୟକୁ ଜନୈକ ଛାତ୍ରୀ ଯିବା ସମୟରେ କୋଶଳା ଗାଁର ଜଣେ ଯୁବକ ଛାତ୍ରୀଙ୍କୁ ରାସ୍ତାରେ ଅଟକାଇ ପ୍ରେମ ନିବେଦନ କରିଥିଲେ। ଯୁବକଙ୍କ ଏଭଳି ଆଚରଣ ଦେଖି ଛାତ୍ରୀଜଣଙ୍କ ଯୁବକଙ୍କୁ ଗାଳି କରୁଥିଲେ। ଏହାକୁ ନେଇ ଛାତ୍ରୀ ଓ ଯୁବକ ମଧ୍ୟରେ ଝଗଡ଼ା ହୋଇଥିଲା। ଏହାଦେଖି ସ୍ଥାନିୟ ଲୋକମାନେ ସେଠାରେ ରୁଣ୍ଡ ହୋଇ ଘଟଣାର ସତ୍ୟତା ଜାଣିବା ପରେ ଉକ୍ତ ଯୁବକଙ୍କୁ କାବୁ କରି ନେବା ସହିତ ନିର୍ଧୁମ ଛେଚି ଥିଲେ। ଏଥିସହ ଯୁବକଙ୍କ ବାପାକୁ ଖବର ଦେଇଥିଲେ। ଖବରପାଇ ବାପା ଘଟଣାସ୍ଥଳରେ ପୁଅର ଏପରି କାର୍ଯ୍ୟକୁ ନେଇ ଗ୍ରାମବାସୀଙ୍କୁ ଭୁଲ ମାଗିଥିଲେ। ଆଗକୁ ପୁଅ ଏଭଳି ଆଚରଣ କରିବ ନାହିଁ ବୋଲି ପ୍ରତିଶ୍ରୁତି ଦେଇ ପୁଅ ସାଙ୍ଗରେ ନେଇ ଯାଇଥିଲେ। ଏଭଳି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଏ ନେଇ ଥାନାରେ କୈାଣସି ମାମଲା ରୁଜୁ ହୋଇ ନ ଥିବା ଛେଣ୍ଡିପଦା ପୋଲିସ ପ୍ରକାଶ କରିଛି ।