ଗଣିଆ,୨୮ା୭(ଡି.ଏନ.ଏ.): ଗଣିଆ-ବଡମୂଳ ପୂର୍ତ୍ତ ବିଭାଗ ରାସ୍ତାର ମଣିଭଦ୍ରାଠାରେ ରାସ୍ତା ଉପରେ ପଥର ଗଦା ହୋଇଥିବାରୁ ଯାତାୟାତରେ ସମସ୍ୟା ଦେଖାଦେଇଛି ା ଏଥିସହ ରାସ୍ତାରେ ପଟୁମାଟି ପଡିରହିଥିବାରୁ ଲୋକେ ଛୋଟବଡ ଦୁର୍ଘଟଣାର ସମ୍ମୁଖୀନ ହେଉଛନ୍ତି। ମଣିଭଦ୍ରା ପାଦଦେଶ ତଥା ମହାନଦୀ କୂଳରେ ଯାଇଥିବା ଏହି ରାସ୍ତା ଦେଇ ଦୈନିକ ଛାମୁଣ୍ଡିଆ, ବଡଶିଲିଙ୍ଗା ପଞ୍ଚାୟତର ଜନସାଧାରଣଙ୍କ ସମେତ ବଡମୂଳ ମଙ୍ଗାନସୀଠାରେ ଥିବା ସାତକୋଶିଆ ସ୍ୟାଣ୍ଡ ରିସୋର୍ଟକୁ ପର୍ଯ୍ୟଟକମାନେ ଯାତାୟାତ କରିଥାନ୍ତି। ଗତ ଦୁଇଦିନ ଧରି ବର୍ଷା ସାଙ୍ଗକୁ ଅଣଓସାରିଆ ରାସ୍ତା ଉପରେ ପଥର ଗଦା ହୋଇଥିବାରୁ ଛାମୁଣ୍ଡିଆ ଅଞ୍ଚଳକୁ ଆସୁଥିବା ଯାତ୍ରୀବାହୀ ବସ୍ ଓ ମାଲବାହୀ ଗାଡି ଯିବାଆସିବା କରିବାରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏହାଛଡା ଡଙ୍କାରିସାହି ଛକଠାରୁ ବୃତ୍ତଙ୍ଗ ସେତୁ ପର୍ଯ୍ୟନ୍ତ ଅଣଓସାରିଆ ଅଙ୍କାବଙ୍କା ରାସ୍ତା ସାଙ୍ଗକୁ ରାସ୍ତା ଉପରେ ଏହି ପଥର ଗଦା ଯୋଗୁ ରାତି ସମୟରେ ଯାନବାହନ ଆରୋହୀମାନେ ଦୁର୍ଘଟଣାର ସମ୍ମୁଖୀନ ହେବା ସମ୍ଭାବନା ରହିଛି। ସୂଚନାଯୋଗ୍ୟ ରାସ୍ତା ପାର୍ଶ୍ୱସ୍ଥ ମହାନଦୀ କୂଳରେ ଜଳସମ୍ପଦ ବିଭାଗ ତରଫରୁ ୪ଟି ପଥର ବୁରୁଜ ନିର୍ମାଣ କାର୍ଯ୍ୟ ଚାଲୁରହିଛି ା ଏହି କାର୍ଯ୍ୟ ପାଇଁ ଆବଶ୍ୟକ ପଥରଗୁଡିକୁ ରାସ୍ତା ଉପରେ ଗଦା କରିବା ଦ୍ୱାରା ଏଭଳି ସମସ୍ୟା ଦେଖାଦେଇଛି ା ସେହିପରି ହାଇୱାରେ ଆସୁଥିବା ପଥର ସାଙ୍ଗରେ ଚିକିଟା ମାଟି ରାସ୍ତା ଉପରେ ପଡି ରାସ୍ତାସାରା କାଦୁଅ ହୋଇପଡିଛି ା ଏହାଛଡା ବୁରୁଜ ନିର୍ମାଣ କାର୍ଯ୍ୟରେ ଲାଗିଥିବା ହିଟାଚି ଯାତାୟାତ ଦ୍ୱାରା ପିଚୁ ରାସ୍ତାଟି ଖୋଳି ହୋଇ ନଷ୍ଟ ହୋଇଯାଇଛି। ପୂର୍ତ୍ତ ଓ ଜଳସମ୍ପଦ ବିଭାଗୀୟ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ା