ବଲାଙ୍ଗୀର ଅଫିସ,୬।୬: ପାଟଣାଗଡ଼ର ନବନିର୍ବାଚିତ ବିଜେଡି ବିଧାୟକ ସରୋଜ ମେହେର ଜଣେ ସରକାରୀ ଯନ୍ତ୍ରୀଙ୍କୁ ଲୋକଙ୍କ ସମ୍ମୁଖରେ ଉଠ୍ବସ୍ କରୁଥିବାର ଏକ ଭିଡିଓ ସୋସିଆଲ ମିଡିଆରେ ପ୍ରଚାର ହେବା ପରେ ଚର୍ଚ୍ଚାର ବିଷୟ ପାଲଟିଛି। ବେଲପଡ଼ା-ମଣ୍ଡଳ ରାସ୍ତା କାମ ନିମ୍ନମାନର ହୋଇଥିବାରୁ ସେ ଯନ୍ତ୍ରୀଙ୍କୁ ଉଠ୍ବସ୍ କରାଉଥିବା ଦେଖାଯାଇଛି। ବିଧାୟକ ମେହେର ଯନ୍ତ୍ରୀଙ୍କୁ ଶହେ ଥର ଉଠ୍ବସ ହେବାକୁ କହିବା ସହ ଏପରି ନ କଲେ ସମ୍ପୃକ୍ତ ଯନ୍ତ୍ରୀଙ୍କୁ ମାଡ଼ ମାରିବାକୁ ସେ ବିଧାୟକ ଭାବେ ନିର୍ଦ୍ଦେଶ ଦେଉଛନ୍ତି ବୋଲି କହିଥିଲେ। ତେବେ ଏ ନେଇ ବିଧାୟକଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ତାଙ୍କର ମତାମତ ମିଳିପାରିନାହିଁ।