ରାୟଗଡ଼ା ଅଫିସ,୫।୬: ରାୟଗଡ଼ା ଜିଲାରେ ଶୁକ୍ରବାର ଦ୍ୱିତୀୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସେ ୨୨ ବର୍ଷୀୟା ଜଣେ ଯୁବତୀ ଏବଂ କର୍ଣ୍ଣାଟକ ଫେରନ୍ତା ବୋଲି ଜଣାପଡ଼ିଛି। ତାଙ୍କୁ ଗଜପତି କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସେ ୨୯ ତାରିଖରେ ରାୟଗଡ଼ା ଫେରିବା ପରେ ତାଙ୍କୁ କ୍ୱାରାଣ୍ଟାଇନ ସେଣ୍ଟରରେ ରଖାଯାଇଥିଲା। ପରେ ତାଙ୍କ ସ୍ବାବ ସଂଗ୍ରହ କରାଯାଇ ଆର୍ଏମ୍ଆରସି ପଠାଯାଇଥିଲା । ଶୁକ୍ରବାର ପଜିଟିଭ ରିପୋର୍ଟ ଆସିବା ପରେ କଣ୍ଟାକ୍ଟ ଟ୍ରେସିଂ ଜାରି ରହିଛି । ତାଙ୍କ ସଂସ୍ପର୍ଶରେ ପ୍ରାୟ ୧୩ ଜଣ ଆସିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ତାଙ୍କ ସାଙ୍ଗରେ କ୍ୱାରାଣ୍ଟାଇନ ସେଣ୍ଟର ଯେଉଁମାନେ ରହୁଥିଲେ ସେମାନଙ୍କ ସ୍ବାବ ମଧ୍ୟ ସଂଗ୍ରହ କରାଯିବ ବୋଲି ରାୟଗଡ଼ା ଜିଲାପାଳ ପ୍ରମୋଦ କୁମାର ବେହେରା ସୂଚନା ଦେଇଛନ୍ତି । ସେହି ଅଞ୍ଚଳରେ ୧୪୪ ଧାରା ଜାରି କରାଯାଇଛି।