ନୂଆଦିଲ୍ଲୀ,୧୪।୧୦:ରିଲାଏନ୍ସ ରିଟେଲ ଲିମିଟେଡ୍ ଏବଂ ନ୍ୟାଶନାଲ ବାସ୍କେଟବଲ୍ ଆସୋସିଏସନ (ଏନ୍ବିଏ) ପକ୍ଷରୁ ଭାରତ ବଜାରରେ ଏନ୍ବିଏ ମର୍ଚ୍ଚଣ୍ଡାଇଜ୍ର ବିସ୍ତୃତ ବର୍ଗମାଳାର ଉନ୍ମୋଚନ କରାଯାଇଛି। ଏହି ନୂଆ ମର୍ଚ୍ଚାଣ୍ଡାଇଜ୍ ରିଲାଏନ୍ସ ରିଟେଲ୍ର କିଛି ନିର୍ଦ୍ଦିଷ୍ଟ ଷ୍ଟୋର ଏବଂ କମ୍ପାନୀର ଇ-କମର୍ସ ପ୍ଲାଟ୍ଫର୍ମରେ ମଧ୍ୟ ଉପଲବ୍ଧ ହେବ ବୋଲି ଜଣାପଡିଛି। ଏନ୍ବିଏ ବ୍ରାଣ୍ଡେଡ୍ ମର୍ଚ୍ଚାଣ୍ଡାଇଜ୍ରେ ଉଭୟ ବୟସ୍କ ଏବଂ ଯୁବବର୍ଗଙ୍କ ପାଇଁ ବିଭିନ୍ନ ବର୍ଗର ପୋଷାକ, ଆସେସୋରି ଏବଂ ବ୍ୟାକ୍ ଟୁ ସ୍କୁଲର ବ୍ୟାପକ ବର୍ଗମାଳା ସାମିଲ ରହିଛି।
ଏ ସମ୍ପର୍କରେ ରିଲାଏନ୍ସ ରିଟେଲ ଲିମିଟେଡ୍ର ସଭାପତି ଓ ସିଇଓ (ଫ୍ୟାଶନ ଓ ଲାଇଫଷ୍ଟାଇଲ୍) ଅଖିଳେଶ ପ୍ରସାଦ କହିଛନ୍ତି, ଏନ୍ବିଏ ହେଉଛି ବିଶ୍ୱସ୍ତରରେ ସର୍ବାଧିକ ଅନୁସରଣ କରାଯାଉଥିବା କ୍ରୀଡ଼ା ଲିଗ୍ ମଧ୍ୟରୁ ଅନ୍ୟତମ ଏବଂ ଭାରତରେ ଏନ୍ବିଏ ପ୍ରଶଂସକମାନଙ୍କ ଲାଗି ମର୍ଚ୍ଚାଣ୍ଡାଇଜ୍ର ବ୍ୟାପକ ବର୍ଗମାଳା ଉପସ୍ଥାପନ କରିଥିବାରୁ ରିଲାଏନ୍ସ ରିଟେଲ୍ ଉତ୍ସାହିତ ରହିଛି। ସାରା ଦେଶରେ ଏନ୍ବିଏ ପ୍ରଶଂସକମାନଙ୍କ ଲାଗି ରିଲାଏନ୍ସ ରିଟେଲ ପସନ୍ଦର ସ୍ଥାନରେ ପରିଣତ ହେବା ସୁନିଶ୍ଚିତ କରିବା ଲାଗି ଆମେ ଲକ୍ଷ୍ୟ ରଖିଛୁ। ସେହିଭଳି ଏନ୍ବିଏର ଆନ୍ତର୍ଜାତିକ ଲାଇସେନ୍ସିଂ ଓ ବିଜନେସ୍ ଡେଭେଲପ୍ମେଣ୍ଟର ବରିଷ୍ଠ ଉପାଧ୍ୟକ୍ଷ ରବ୍ ମିଲମ୍ୟାନ କହିଛନ୍ତି, ବହୁ ବର୍ଷ ଧରି ଏନ୍ବିଏର ଏକ ବିଶ୍ୱସନୀୟ ସହଯୋଗୀ ହୋଇ ରିଲାଏନ୍ସ ରିଟେଲ ରହିଛି। ସେହିପରି ଏନ୍ବିଏ ଇଣ୍ଡିଆର ଆସୋସିଏଟ ଭାଇସ୍ ପ୍ରେସିଡେଣ୍ଟ ଅଫ୍ ଗ୍ଲୋବାଲ ପାର୍ଟନରଶିପ୍ ସିଦ୍ଧାର୍ଥ ଚୁରୀ କହିଛନ୍ତି, ଭାରତରେ ରିଲାଏନ୍ସ ରିଟେଲ ସହ କାମ କରିବା ଲାଗି ଆମେ ଉତ୍ସାହିତ ଅଛୁ।