ମୁମ୍ବାଇ: ବଲିଉଡ୍ ମହାନାୟକ ଅମିତାଭ ବଚ୍ଚନଙ୍କ ଅଭିନୀତ ତଥା ବହୁ ପ୍ରତିକ୍ଷିତ ଫିଲ୍ମ ‘ଝୁଣ୍ଡ’ର ଟିଜର ରିଲିଜ୍ ହୋଇଯାଇଛି। ଏହା ଅମିତାଭଙ୍କ ଦମଦାର ଭଏସରୁ ଆରମ୍ଭ ହୋଇଥିବାରୁ ଦର୍ଶକଙ୍କୁ ଏହା ଖୁବ୍ ପସନ୍ଦ ଆସିବ ବୋଲି କୁହାଯାଉଛି। ଏହି ଫିଲ୍ମ ଫୁଟ୍ପାଥରେ ରହୁଥିବା ପିଲାଙ୍କ ସହ ଫୁଟବଲ ଟିମ୍ ବନାଇବା କାହାଣୀ ଉପରେ ପର୍ଯ୍ୟବେଷିତ। ଏହି ଫିଲ୍ମରେ ଅମିତାଭ କୋଚ୍ ଭୂମିକାରେ ନଜର ଆସିବେ। ବଲିଉଡ୍ ଶେହେନଶାହା ନିଜ ଟୁଇଟର ହ୍ୟାଣ୍ଡେଲରେ ଏହି ଟିଜରକୁ ଶେୟାର କରିଛନ୍ତି। ଏହାକୁ ଶେୟାର କରିବା ସହ ଅମିତାଭ ଲେଖିଛନ୍ତି, ଝୁଣ୍ଡ ଆ ଗୟା, ଆ ଗୟା। ଏପର୍ଯ୍ୟନ୍ତ ଏହାକୁ ୨ ଲକ୍ଷ ଲୋକ ଦେଖି ସାରିଲେଣି। ଏହା ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଖୁବ୍ ଏକ୍ସସାଇଟେଡ୍ ଅଛନ୍ତି। ନାଗରାଜ ମଞ୍ଜୁଲେଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅମିତାଙ୍କ ଦମଦାର ଅଭିନୟ ଦେଖିବାକୁ ମିଳିବ ବୋଲି କୁହାଯାଉଛି।