ବମ୍ବେ: ରିଲିଜ ହୋଇଛି ଚଳଚ୍ଚିତ୍ର ‘ଷ୍ଟ୍ରିଟ୍ ଡ୍ୟାନ୍ସର’ର ଟ୍ରେଲର। ୨.୫୨ ମିନିଟର ଏହି ଟ୍ରେଲରରେ ଆକ୍ସନ, ରୋମାନ୍ସ ସାଙ୍ଗକୁ ଡ୍ୟାନ୍ସର ଭରପୂର ଝଲକ ଦେଖିବାକୁ ମିଳୁଛି। ଫିଲ୍ମଟିର ନିର୍ଦ୍ଦେଶନା ଦେଇଛନ୍ତି ରେମୋ ଡିସୁଜା। କଳାକାର ଭାବେ ବରୁଣ ଧାଓ୍ବନ, ଶ୍ରଦ୍ଧା କପୁର, ନୋରା ଫତେହୀ ଏବଂ ପ୍ରଭୁ ଦେବା ପ୍ରମୁଖ ନଜର ଆସିବେ। ଜାନୁୟାରୀ ୨୪ରେ ଫିଲ୍ମଟି ପରଦାକୁ ଆସିବ।
ପୂର୍ବରୁ ଫିଲ୍ମ ଲାଗି କ୍ୟାଟ୍ରିନାଙ୍କୁ ଅଫର ମିଳିଥିଲା। ହେଲେ ସେ ଏହାକୁ ଗ୍ରହଣ କରି ନ ଥିଲେ। ଏଣୁ ପରେ ଶ୍ରଦ୍ଧାଙ୍କୁ ଏଥିଲାଗି ଫାଇନାଲ କରାଯାଇଥିଲା। ପୂର୍ବରୁ ଶ୍ରଦ୍ଧା ବରୁଣଙ୍କ ସହ ଏବିସିଡି-୨ରେ କାମ କରିସାରିଛନ୍ତି। ଫିଲ୍ମଟି ଭଲ ବ୍ୟବସାୟ କରିଥିଲା।