ଭୁବନେଶ୍ୱର, ୨୧।୬(ବ୍ୟୁରୋ) : ସ୍ଥାନୀୟ ସ୍ଟାର୍ଟଅପ୍ କମ୍ପାନୀ ସ୍ୟାକ୍ ରୋବଟିକ୍ସ ସ୍କୁଲ ରିସର୍ଚ୍ଚ ସେଣ୍ଟର ଆରମ୍ଭ କରିବା ନେଇ ଘୋଷଣା କରିଛି। ସ୍ୟାକ ରୋବଟିକ୍ସ ରୋବଟିକ୍ ଶିକ୍ଷା ପ୍ରଦାନ କ୍ଷେତ୍ରରେ କାର୍ଯ୍ୟ କରିବା ସହ ରୋବର୍ଟ ଖେଳନା, ରୋବର୍ଟ ଡିଆଇୱାଇ କିକ୍ ଏବଂ ରୋବର୍ଟ ଡିଜାଇନ୍, ଡେଭଲପ, ରିସର୍ଚ୍ଚ କରିବା ସହ ବିକ୍ରୟ ମଧ୍ୟ କରିଥାଏ। ଗୁରୁବାର ଏ ବିଷୟ ଘୋଷଣା କରି ସ୍ୟାକ୍ ରୋବଟିକ୍ସ ପ୍ରାଇଭେଟ୍ ଲିମିଟେଡ୍ର ପ୍ରତିଷ୍ଠାତା ସାକ୍ୟସିଂହ ମହାପାତ୍ର କହିଥିଲେ, ସ୍ୟାକ୍ ରୋବଟିକ୍ସ ପ୍ରାଇଭେଟ୍ ଲିମିଟେଡ୍ ସ୍ଟାର୍ଟଅପ୍ ଓଡିଶା ଏବଂ ସ୍ଟାର୍ଟଅପ୍ ଇଣ୍ଡିଆର ରେଜିଷ୍ଟ୍ରିଭୁକ୍ତ କମ୍ପାନୀ। ଯାହାକି ରୋବଟିକ୍ ରିସର୍ଚ୍ଚ ଏବଂ ଶିକ୍ଷା ସହ ଯୁକ୍ତ। ସାରା ଭାରତରେ ଏକ ଲକ୍ଷ୍ୟରୁ ଊର୍ଦ୍ଧ୍ୱ ଛାତ୍ରୀଛାତ୍ରଙ୍କୁ ରୋବଟିକ୍ସ ଶିକ୍ଷା ପ୍ରଦାନ କରୁଛୁ। ଏହି ମର୍ମରେ ଆମେ ସ୍ୟାକ୍ ରୋବଟିକ୍ସ ରିସର୍ଚ୍ଚ ସ୍ୟାକ୍, ରୋବଟିକ୍ସ ରିସର୍ଚ୍ଚ ସେଣ୍ଟର ଆରମ୍ଭ କରିବା ବିଷୟ ଘୋଷଣା କରିଛୁ ବୋଲି କହିଥିଲେ। ବିଗତଦିନର ଅଭିଜ୍ଞତାରୁ ଆମେ ଲକ୍ଷ୍ୟ କରିଛୁ ଯେ, ଭାରତରେ ରୋବଟିକ୍ସ ଶିକ୍ଷା ସମ୍ପୂର୍ଣ୍ଣ ଭାବେ କାର୍ଯ୍ୟକାରୀ ହୋଇପାରିନାହିଁ। ତେଣୁ ଆମେ ଏହି ରୋବଟିକ୍ସ ଶିକ୍ଷା ପ୍ରଦାନ କରିବା ଲକ୍ଷ୍ୟରେ ଅନେକ ଦିନ ଧରି ରିସର୍ଚ୍ଚ କରି ସ୍କୁଲ ଛାତ୍ରୀଛାତ୍ରମାନଙ୍କ ପାଇଁ ଏକ ଅତୁଳନୀୟ ରୋବଟିକ୍ସ ପାଠ୍ୟକ୍ରମ ପ୍ରସ୍ତୁତ କରିଛୁ ସେ ସକାଶେ ଏକ ରିସର୍ଚ୍ଚ ସେଣ୍ଟର ଖୋଲିବା ଲାଗି ଘୋଷଣା ହୋଇଛି ବୋଲି ସେ କହିଥିଲେ।