ମସ୍କୋ,୩୧।୧: ସାରା ବିଶ୍ୱକୁ କାୟା ବିସ୍ତାର କରିବାରେ ଲାଗିଛି କରୋନା ଭୂତାଣୁ। ପ୍ରଥମେ ଚାଇନାରେ ଦେଖାଯାଇଥିବା ଏହି ଭୂତାଣୁ ଏବେ ମହାମାରୀର ରୂପ ନେଲାଣି। ରୁଷରେ ପ୍ରଥମ କରି ୨ ଜଣଙ୍କ ନିକଟରେ କରୋନାଭାଇରସ ପଜିଟିଭ ଥିବା ଜଣାପଡିଛି। ଡେପୁଟି ପ୍ରାଇମିନିଷ୍ଟର ଟାଟିଆନା ଗୋଲିକୋଭା ଏହି ସୂଚନା ଦେଇଛନ୍ତି। ସେମାନଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା କୁହାଯାଇଛି। ଚାଇନାର ହୁବେଇ ଅଞ୍ଚଳରେ ଥିବା ରୁଷ ନାଗରିକଙ୍କୁ ସ୍ବଦେଶ ଫେରାଇ ଅଣାଯାଇଥିବା କହିଛନ୍ତି ରୁଷ ପ୍ରଧାନମନ୍ତ୍ରୀ। ଓ୍ବାର୍ଲଡ ହେଲ୍ଥ ଅର୍ଗାନାଇଜେଶନ(ଡବ୍ଲୁଏଚ୍ଓ) ପକ୍ଷରୁ କରୋନାଭାଇରସକୁ ଗ୍ଲୋବାଲ ହେଲ୍ଥ ଏମରଜେନ୍ସି ଘୋଷଣା ପରେ ଏଥିରେ ସୁଧାର ଆସିବ ବୋଲି କୁହାଯାଉଛି।