ରୁଷିଆ ପ୍ରଥମେ ତା’ର ଭାସମାନ ନ୍ୟୁକ୍ଲିୟର ପ୍ଲାଣ୍ଟ ନିର୍ମାଣ ଶେଷ କରି ସେଥିରୁ ବିଦ୍ୟୁତ ଉପତ୍ାଦନ ଲାଗି ଯୋଜନା ବି ଚୂଡାନ୍ତ କରିଛି। ସୁନାମୀ ଓ ବଡ଼ ବଡ଼ ଭାସମାନ ବରଫ ଖଣ୍ଡ ଯେପରି ପ୍ଲାଣ୍ଟ୍ର କିଛି କ୍ଷତି ନ କରିପାରିବ ସେଭଳି ଜ୍ଞାନକୌଶଳ ପ୍ରୟୋଗ କରାଯାଇ ଏହାକୁ ନିର୍ମାଣ କରାଯାଇଛି। ଏହି ପ୍ଲାଣ୍ଟର ନାମ ରଖାଯାଇଛି ଆକାଡେମିକ ଲୋମୋନସୋଭ୍। ମୁର୍ୁମାନ୍ସ୍କର ଦି ନର୍ଦନ୍ ହ୍ବାଇଟ୍ ସି’ ପୋର୍ଟରୁ ଏହା ୪,୭୦୦ କିଲୋମିଟର ଚୁକୋଟ୍କା ଅଞ୍ଚଳର ପିଭେକ୍କୁ ଯାତ୍ରା ଆରମ୍ଭ କରିଛି। ଏହି ପାଓ୍ବାର ଷ୍ଟେଶନର ଉଚ୍ଚତା ୪୭୨ ଫୁଟ ଓ ୯୮ଫୁଟ ଲମ୍ବ। ଏହାର ତଳେ ଦୁଇଟି ଆଇସ୍ ବ୍ରେକର ଲଗାଯାଇଛି। ଲକ୍ଷ୍ୟସ୍ଥଳରେ ପହଞ୍ଚତ୍ବାକୁ ଏହାକୁ ତିନି ସପ୍ତାହ ଲାଗିବ। ସେଠାରେ ଡିସେମ୍ବରରେ ପ୍ଲାଣ୍ଟରୁ ବିଦ୍ୟୁତ ଉପତ୍ାଦନ ଆରମ୍ଭ ହେବ ବୋଲି କୁହାଯାଇଛି। ଏଭଳି ଏକ ଭାସମାନ ନ୍ୟୁକ୍ଲିୟର ପ୍ଲାଣ୍ଟ ନିର୍ମାଣ କରାଯିବାର ଯୋଜନା ୨୦୦୬ ରେ ଆରମ୍ଭ କରାଯାଇଥିଲା। ଏହି ପ୍ଲାଣ୍ଟରେ ଥିବା ଦୁଇଟି ରିଆକ୍ଟରରୁ ୭୦ ମେଗାଓ୍ବାଟ ଓ ୫୦ ଗିଗାକ୍ୟାଲୋରୀ ପାଓ୍ବାର ମିଳିବ । ଏହା ୧ ଲକ୍ଷ ଜନସଂଖ୍ୟ ବିଶିଷ୍ଟ ସହରକୁ ଯୋଗାଇପାରିବ। ଏହି ପ୍ଲାଣ୍ଟ ବିରୋଧରେ ପରିବେଶବିତ୍ମାନେ ସ୍ବର ଉଠାଇଛନ୍ତି। କିନ୍ତୁ ଡିଜାଇନରମାନେ କହିଛନ୍ତି ଯେ,ଏହାର ସୁନାମୀ କି ୯ ତୀବ୍ରତା ବିଶିଷ୍ଟ ଭୂମିକମ୍ପ କିଛି କ୍ଷତି କରିପାରିବନାହିଁ। ପ୍ଲାଣ୍ଟରୁ ଥରେ ବିଦ୍ୟୁତ ଉପତ୍ାଦନ ଆରମ୍ଭ ହୋଇଗଲେ ଏହା ୪୦ ବର୍ଷ ଯାଏ ପୂର୍ଣ୍ଣ କ୍ଷମତା ସହ କାର୍ଯ୍ୟ କରିପାରିବ। ୧୯୬୮ରେ ଆମେରିକା ପ୍ରଥମେ ଏକ ଭାସମାନ ନ୍ୟୁକ୍ଳିୟର ପାଓ୍ବାର ପ୍ଲାଣ୍ଟ୍ ପାନାମା କେନାଲରେ ଲଞ୍ଚ କରିଥିଲା, କିନ୍ତୁ ସେଥିରେ ବ୍ୟୟ ଅତ୍ୟଧିକ ହେବାରୁ ତାହାକୁ ନଷ୍ଟ କରିଦେଇଥିଲା। ତା’ ପରେ ଏବେ ରୁଷିଆର ଏହି ଭାସମାନ ଆଣବିକ ପ୍ଲାଣ୍ଟ କେତେ ସଫଳ ହେବ ତାହା ସମୟ କହିବ ।