ଲୋଇସିଂହା, ୨।୬(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା ବନ ରେଞ୍ଜ ଅନ୍ତର୍ଗତ ଆଗଲପୁର ବ୍ଲକ ରେଙ୍ଗାଲି ଗ୍ରାମରେ ବନ ବିଭାଗ ଚଢାଉ କରି ବିପୁଳ ପରିମାଣର କାଠ, ସାଇଜ ପଟା, ଟ୍ରାକ୍ଟର ଇଞ୍ଜିନ ସହ କରତ କଳ ଜବତ କରିଛି ା ଜବତ କାଠର ଆନୁମାନିକ ମୂଲ୍ୟ ୨ଲକ୍ଷ ଟଙ୍କା ହେବ ବୋଲି ବନ ବିଭାଗ କହିଛି। ସୂଚନାମତେ, ଆଗଲପୁର ବ୍ଲକ ରେଙ୍ଗାଲି ଗ୍ରାମର ପୋଖରୀ ନିକଟରେ ଦୀର୍ଘଦିନ ହେଲା ବେଆଇନ କରତ କଳ ଚାଲିଆସୁଥିବା ବନ ବିଭଗକୁ ସୂଚନା ମିଳିଥିଲା। ବରଗଡ ଜିଲା ସୁଜିଆମୁଣ୍ଡା ଅଞ୍ଚଳର ଜଣେ ବ୍ୟକ୍ତି ଟ୍ରାକ୍ଟର ଇଞ୍ଜିନରେ କରତ କଳ ଲଗାଇ ଉକ୍ତ ବେଆଇନ କାରବାର ଚଳାଇଥିଲେ। ମଙ୍ଗଳବାର ଯୋଜନା ମୁତାବକ ଏସିଏଫ ବାବଜୀ ଚରଣ ରାଉଳ, ମୋଇବାଲ ସ୍କ୍ବାଡ ଫରେଷ୍ଟର ସୁନୀଲ ମିଶ୍ର ଓ ବଲାଙ୍ଗୀର ରେଞ୍ଜ ଷ୍ଟାପ ରେଙ୍ଗାଲିରେ ଚଢାଉ କରିଥିଲେ। ବନ ବିଭାଗ କର୍ମଚାରୀଙ୍କୁ ଦେଖି କରତ କଳରେ ନିୟୋଜିତ କର୍ମଚାରୀ ଓ ଡ୍ରାଇଭର ଟ୍ରାକ୍ଟର ଇଞ୍ଜିନ ଓ ଏଥିରେ ଳଗା ଯାଇଥିବା କଟର ମେଶିନକୁ ନେଇ ପଳାଇ ଯାଇଥିଲେ। ବନ କର୍ମଚାରୀ ସେମାନଙ୍କୁ ପିଛା କରିଥିଲେ। ଡ୍ରାଇଭର ଟ୍ରାକ୍ଟର ଇଞ୍ଜିନକୁ ଅଧାବାଟରେ ଛାଡି ଫେରାର ହୋଇ ଯାଇଥିଲେ ା ବନ କର୍ମଚାରୀ ଟ୍ରାକ୍ଟର ଇଞ୍ଜିନ ଓ କଟର ମେଶିନକୁ ଜବତ କରିଥିଲେ। ଏଥି ସହିତ ଚାଲାଣ ଉଦ୍ଦେଶ୍ୟରେ ରଖାଯାଇଥିବା ଶାଗୁଆନ, ଗମ୍ଭାରୀ, ଲିମ୍ବା ଓ ଶିଶୁ କାଠ ଜବତ କରାଯାଇଥିବା ମୋଇବାଲ ସ୍କ୍ବାଡ ଫରେଷ୍ଟର ମିଶ୍ର ସୂଚନା ଦେଇଛନ୍ତି।