ଚୌଦ୍ୱାର,୨ା୫(ଡି.ଏନ୍.ଏ.): କରୋନା ସଂକ୍ରମଣରୁ ରକ୍ଷା ପାଇବା ପାଇଁ କଟକ ଜିଲା ଚୌଦ୍ୱାର ପୌରପାଳିକା ତରଫରୁ ଗାନ୍ଧିଛକସ୍ଥିତ ପୌର ଟାଉନ ହଲରେ କ୍ୱାରାଣ୍ଟାଇନ କେନ୍ଦ୍ରର ବ୍ୟବସ୍ଥା କରାଯାଇଛି। କିଛି ଦିନ ହେବ ବାହାର ରାଜ୍ୟ ବିହାରରୁ ଜଣେ ବ୍ୟକ୍ତି ଏବଂ ରେଡ୍ ଜୋନ ଭାବେ ସ୍ଥାନ ପାଇଥିବା ଯାଜପୁର ଜିଲାରୁ ଜନୈକା ମହିଳା ଆସି ସରକାରଙ୍କ ପାଖରେ କୌଣସି ତଥ୍ୟ ନ ଦେଇ ଚୌଦ୍ୱାର ଅଞ୍ଚଳରେ ରହୁଛନ୍ତି। ଏହାକୁ ନେଇ ପଡ଼ୋଶୀଙ୍କ ଭିତରେ ଭୟ ସୃଷ୍ଟି ହୋଇଥିଲା। ପରେ ପଡ଼ୋଶୀ ପୌର ନିର୍ବାହୀ ଅଧିକାରୀଙ୍କୁ ଅବଗତ କରାଇଥିଲେ। ନିର୍ବହୀ ଅଧିକାରୀ ପ୍ରଦୀପ୍ତ କୁମାର ବେହେରା ସରକାରଙ୍କ ନିର୍ଦ୍ଦେଶନାମା ଅନୁସାରେ ଶୁକ୍ରବାର ୨ ବ୍ୟକ୍ତିଙ୍କ ଘର ସମ୍ମୁଖରେ ହୋମ୍ ଅଣ୍ଡର କ୍ୱାରାଣ୍ଟାଇନର ସୂଚନାଫଳକ ଲଗାଇଥିବା ଜଣାପଡିଛି। ଅନ୍ୟପକ୍ଷରେ ଆଗକୁ କୌଣସି ବ୍ୟକ୍ତି ବାହାର ରାଜ୍ୟରୁ ଅଥବା ରେଡ୍ ଜୋନ ଜିଲାରୁ ଲୁଚିଛପି ଆସି ବସବାସ କଲେ ସମ୍ପୃକ୍ତ ପରିବାରକୁ ହୋମ୍ ଅଣ୍ଡର କ୍ୱାରାଣ୍ଟାଇନ ଘୋଷଣା କରାଯିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନିର୍ବାହୀ ଅଧିକାରୀ ସୂଚନା ଦେଇଛନ୍ତି ।
