ନୂଆଦିଲ୍ଲୀ,୧୩।୧୨: କଂlଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ‘ରେପ୍ ଇନ ଇଣ୍ଡିଆ’ ମନ୍ତବ୍ୟକୁ ନେଇ ଲୋକ ସଭାରେ ଝଡ ଉଠିଛି। ଗୃହରେ ଭାଜପା ରାହୁଲ କ୍ଷମା ମାଗନ୍ତୁ ବୋଲି ଦାବି କରିଛି। କିନ୍ତୁ ରାହୁଲ କହିଛନ୍ତି, ମୁଁ କ୍ଷମା ମାଗିବାର ପ୍ରଶ୍ନ ଉଠୁନି। ମହିଳାଙ୍କୁ ଗଣବଳାତ୍କାର କରିବା ଆହ୍ବାନ କରିଥିବା ମନ୍ତବ୍ୟରୁ ଦୂରେଇ ଯାଇ ଉତ୍ତର ପୂର୍ବରେ ଦେଖାଦେଇଥିବା ହିଂସା ପାଇଁ ପ୍ରଧାନମନ୍ତ୍ରୀ କ୍ଷମା ମାଗନ୍ତୁ ବୋଲି ସେ କହିଛନ୍ତି। ମୁଖ୍ୟ ପ୍ରସଙ୍ଗରୁ ହଟିବା ପାଇଁ ପ୍ରଧାନମନ୍ତ୍ରୀ ମୋଦି ଏବଂ ଅମିତ ଶାହ ମୋତେ ଟାର୍ଗେଟ କରୁଛନ୍ତି ବୋଲି ସେ କହିଛନ୍ତି। ଉତ୍ତର ପୂର୍ବରେ ହିଂସା ଦେଖାଦେଇଛି। ଏଥିପାଇଁ ମୋଦି ଓ ଶାହ ଦାୟୀ। ସୂଚନାଯୋଗ୍ୟ, ନିକଟରେ ରାହୁଲ ଗାନ୍ଧୀ ଝାଡ଼ଖଣ୍ଡର ସନ୍ଥାଲପରଗନାରେ ନିର୍ବାଚନୀ ପ୍ରଚାରବେଳେ ମୋଦି ସରକାରଙ୍କ ‘ମେକ ଇନ ଇଣ୍ଡିଆ ଏବଂ ରେପ ଇନ ଇଣ୍ଡିଆ’ରେ ପରିଣତ ହୋଇଛି ବୋଲି କହିଥିଲେ।