ଭୁବନେଶ୍ୱର,୧୨।୧୨(ବ୍ୟୁରୋ): ରେଳପଥରେ ସ୍ବଚ୍ଛତାକୁ ଗୁରୁତ୍ୱ ଦେଇ ଟ୍ରାକ୍ରେ ଶୌଚ ନ କରିବାକୁ ଭାରତୀୟ ରେଳପଥ ପକ୍ଷରୁ ସଚେତନ କରାଯାଉଛି। ଭୁବନେଶ୍ୱର ଆରପିଏଫ ପୋଷ୍ଟ ଟ୍ରାକ୍ରେ ଶୌଚ କରୁଥିବା ୪୭ଜଣଙ୍କୁ ଗିରଫ କରିଛି। ଭୁବନେଶ୍ୱର ମୁଖ୍ୟ ରେଳଷ୍ଟେଶନସ୍ଥିତ ଫାଳିକିଆ ବସ୍ତି, ବଙ୍ଗାଳି ବସ୍ତି, ମାଳି ସାହି ଓ ବାଣୀ ବିହାର ପି.ଏଚ ସୋମବାର ଭୋର ସମୟରେ ଚଢ଼ାଉ କରିଥିଲା। ଏହି ସମୟରେ ଶୌଚ କରୁଥିବା ୪୭ ଜଣଙ୍କୁ ଆରପିଏଫ ଗିରଫ କରିଥିଲା। ରେଲଓ୍ବେ ଆକ୍ଟ ୧୪୭ରେ ମାମଲା ରୁଜୁ କରି ରେଲଓ୍ବେ ମାଜିଷ୍ଟ୍ରେଟଙ୍କ ନିକଟରେ ହାଜର କରିଥିଲା। କାଉନସେଲିଂ ପରେ ଏମାନଙ୍କ ଭିତରୁ ୧୧ଜଣ ଭଲ ଆଚରଣ ପାଇଁ ଏକଜିକ୍ୟୁଟିଭ୍ ବଣ୍ଡ୍ରେ ଜାମିନ ପାଇଛନ୍ତି।