ମଣ୍ଟ୍ରିଲ,୧୧।୮(ପି.ଟି.): ଏଠାରେ ଚାଲିଥିବା ଏଟିପି ମଣ୍ଟ୍ରିଲ ମାଷ୍ଟର୍ସ ଟେନିସ ଟୁର୍ନାମେଣ୍ଟରେ ଭାରତର ରୋହନ ବୋପାନ୍ନା ଓ ତାଙ୍କ କାନାଡା ପାର୍ଟନର ଡେନିସ ଶାପୋଭାଲୋଭ ପୁରୁଷ ଡବଲ୍ସ ଇଭେଣ୍ଟରେ ସେମିଫାଇନାଲରେ ପରାସ୍ତ ହୋଇ ବିଦାୟ ନେଇଛନ୍ତି। ଅଣସିଡ୍ ଏହି ଯୋଡି ୬-୭, ୬-୭ ସେଟ୍ରେ ଡଚ୍ ଯୋଡି ରବିନ ହାସ ଓ ଓ୍ବେସଲି କୁଲହୋଫଙ୍କୁ ଠାରୁ ସେମିରେ ପରାସ୍ତ ହୋଇଥିଲେ। ଏହି ମ୍ୟାଚ୍ ବେଶ୍ ସଂଘର୍ଷପୂର୍ଣ୍ଣ ହୋଇଥିଲା। ଏବେ ଫାଇନାଲ ମୁକାବିଲାରେ ହାସ୍ ଓ କୁଲହୋଫ ପ୍ରତିପକ୍ଷ ସ୍ପେନ୍- ଆର୍ଜେଣ୍ଟିନା ଯୋଡି ମାର୍ସେଲ ଗ୍ରାନୋଲେର୍ସ ଓ ହୋରାସିଓ ଜେବାଲୋସଙ୍କୁ ଟାଇଟଲ ପାଇଁ ଭେଟିବେ।
ବୋପାନ୍ନା ଓ ଶାପୋଭାଲୋଭ ପୂର୍ବରୁ ଫ୍ରାନ୍ସର ବେନୋଇଟ୍ ପାଇରେ ଓ ସୁଇଜରଲାଣ୍ଡର ଷ୍ଟାନିସ୍ଲାସ ଓ୍ବାରିଙ୍କାଙ୍କ ବିପକ୍ଷ କ୍ୱାର୍ଟର ଫାଇନାଲରେ ଓ୍ବାକ୍ଓଭର ପାଇଥିଲେ। ପାଇରେ ଓ ଓ୍ବାରିଙ୍କା ଏହି ମ୍ୟାଚ୍ରୁ ଓହରିଯାଇଥିଲେ। ସେହିପରି ରାଉଣ୍ଡ ଅଫ୍ ୧୬ ମ୍ୟାଚ୍ରେ ବୋପାନ୍ନା- ଶାପୋଭାଲୋଭ ପ୍ରତିପକ୍ଷ କାଏଲ ଏଡମଣ୍ଡ ଓ ଟେଲର ଫ୍ରଜ୍ଙ୍କୁ ୬-୩, ୬-୪ ସିଧାସଳଖ ସେଟ୍ରେ ପରାସ୍ତ କରିଥିଲେ। ତେବେ ଏହା ପୂର୍ବରୁ ରାଉଣ୍ଡ ଅଫ୍ ୩୨ରେ ଏହି ଇଣ୍ଡୋ- କାନାଡା ଯୋଡି ଚତୁର୍ଥ ସିଡ୍ ଫ୍ରେଞ୍ଚ୍ ଯୋଡି ନିକୋଲା ମାହୁତ ଓ ଏଡୁଆର୍ଡୋ ରୋଜର- ଭାସେଲିନ୍ଙ୍କୁ ୪-୬, ୬-୧, ୧୦-୬ ସେଟରେ ପରାସ୍ତ ଅଗ୍ରଗତି କରିଥିଲେ।
