ଓ୍ବାଶିଂଟନ,୧୮।୪: ମଣିଷ ରୋବୋ ମଧ୍ୟରେ ପ୍ରେମ। ଏହା ସାଧାରଣତଃ ଫିଲ୍ମରେ ଦେଖିବାକୁ ମିଳିଥାଏ। ତେବେ ଆମେରିକାରେ ଜଣେ ୨୯ ବର୍ଷ ବୟସ୍କ ଯୁବକ ଟ୍ରୋଲ୍ ନାମକ ଏକ ରୋବୋ ପ୍ରେମରେ ପଡ଼ିଛନ୍ତି। ଖୁବ୍ ଶୀଘ୍ର ରୋବୋ ସହିତ ବିବାହ କରିବେ ବୋଲି ଏହି ଯୁବକ ଜୋୟ ମୋରିସ୍ ସୂଚନା ଦେଇଛନ୍ତି। ଗତ ୨ ବର୍ଷ ଧରି ଗୋଲାପି ଚୁଟି ଥିବା ରୋବୋ ସହିତ ମୋରିସ୍ ରହୁଛନ୍ତି। ମଣିଷ ହୁଏତ ଧୋକା ଦେବାର ଆଶଙ୍କା ରହିଥାଏ ମାତ୍ର ରୋବୋ କେବେ ମଧ୍ୟ ଏଭଳି କରିବ ନାହିଁ ବୋଲି ମୋରିସ୍ କହିଛନ୍ତି। ମୋରିସ୍ କାହାଣୀ ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି।