ମୁମ୍ବାଇ: ଷ୍ଟାରକିଡ୍ ଭାବେ ଶ୍ରୀଦେବୀଙ୍କ ଲାଡ୍ଲି ଜାହ୍ନବୀ କପୁର ଏବେ ବଲିଉଡ୍ରେ ତିଆରି କରିଛନ୍ତି ନିଜର ଏକ ସ୍ବତନ୍ତ୍ର ପରିଚୟ। ଏବେ ତାଙ୍କ ହାତରେ ଅଫର୍ ଉପରେ ଅଫର୍। ୨୦୦୮ରେ କରନ୍ ଜୋହରଙ୍କ ଫିଲ୍ମ ‘ଦୋସ୍ତାନା’ର ସିକ୍ୟୁଏଲ ନିର୍ମାଣ ହେବାକୁ ଯାଉଛି। ଆଉ ଏଥିରେ ଲିଡ୍ ରୋଲରେ ଆସିବେ ଜାହ୍ନବୀ କପୁର ଓ କାର୍ତ୍ତିକ ଆର୍ଯ୍ୟନ୍। ହେଲେ ଏମାନେ ଏଥିରେ ରୋମାନ୍ସ କରିବେ ନାହିଁ ବୋଲି ଶୁଣିବାକୁ ମିଳିଛି। କାରଣ ଏଥିରେ ଭାଇ ଭଉଣୀ ଭୂମିକାରେ ଏମାନେ ଦର୍ଶକଙ୍କ ନିକଟତର ହେବେ। ଆଉ ଏମାଙ୍କ ମଝିରେ ଆଉ ଜଣେ ମୁଖ୍ୟ କଳାକାର ରହିବେ ଯିଏ ଜାହ୍ନବୀ ଓ କାର୍ତ୍ତିକଙ୍କ ଲଭ୍ ଇଣ୍ଟ୍ରେଷ୍ଟ କ୍ୟାରେକ୍ଟର ଭାବେ ନଜର ଆସିବେ। ଅବଶ୍ୟ ଏବେ ଏହି କଳାକାରଙ୍କୁ ଖୋଜା ଚାଲିଛି। ଅନୁମାନ କରାଯାଉଛି ଏଥିରେ କୌଣସି ନୂଆ ମୁହଁଙ୍କୁ ଦେଖିବାକୁ ମିଳିପାରେ। ତେବେ ଫିଲ୍ମରେ ଜାହ୍ନବୀ ଓ କାର୍ତ୍ତିକ ରୋମାନ୍ସ ନ କରିବା ଦର୍ଶକଙ୍କୁ ଏକ ଭିନ୍ନ ଧରଣର ମନୋରଞ୍ଜନ ଦେବ ବୋଲି ଆଲୋଚନା ହେଉଛି।