ଯୋଡା, ୨୫।୫ (ଡି.ଏନ.ଏ.)-ରମଜାନର ୩୦ ଦିନ ଉପବାସ ପରେ ରବିବାର ରାତିରେ ଚାନ୍ଦ ଦେଖାଯିବାରୁ ସୋମବାର ଇଦ୍ ପର୍ବ ପାଳନ କରାଯିବା ନେଇ ଘୋଷଣା କରାଯାଇଥିଲା। ମାତ୍ର କରୋନା ମହାମାରୀ କାରଣରୁ କେନ୍ଦୁଝର ଜିଲା ଯୋଡା ସହରରେ ଇଦ୍ ପର୍ବ ପାଳନ ଫିକା ପଡିଲା। ଯୋଡା ମୁସଲିମ୍ ମାର୍କେଟ୍ରେ ଥିବା ମଦିନା ମସଜିଦ୍ର ଇମାମ୍ ମହମ୍ମଦ ମୁଫତୀ ଜୁନେଦ୍ ରଜା ଗୌସୀ ସମସ୍ତଙ୍କୁ ଇଦ୍ର ଶୁଭେଚ୍ଛା ଜଣାଇ କହିଥିଲେ ଯେ, ସରକାରଙ୍କ ଦ୍ୱାରା ଜାରି କରାଯାଇଥିବା ଲକଡାଉନ୍ ତଥା ସାମାଜିକ ଦୂରତା ନିୟମକୁ ମାନି ଇଦ୍ ପର୍ବ ପାଳନ କରାଯାଉଛି। ଇଦ୍ ନମାଜ୍ ପଢିବା ସମୟରେ ମସଜିଦ୍ରେ କେବଳ ୫ ଜଣ ଉପସ୍ଥିତ ଥିଲେ। ହାତ ମିଳାଇବା ଏବଂ ପରସ୍ପର ଆଲିଙ୍ଗନ କରି ଶୁଭେଛା ଜଣାଇବା ପରିବର୍ତ୍ତେ କେବଳ ଇଦ୍ ମୁବାରକ କହି ପରସ୍ପରକୁ ଶୁଭେଛା ଜଣାଇଥିଲେ। ସହରରେ ବହୁ ଲୋକେ ନିଜ ଘରେ ରହି ଇଦ୍ ପର୍ବ ପାଳନ କରିବା ସହିତ ଫୋନ୍ ମାଧ୍ୟମରେ ଇଦ୍ର ଶୁଭେଚ୍ଛା ଜଣାଇଥିଲେ।
