ଯୋଡ଼ା, ୨୮।୫ (ଡି.ଏନ.ଏ.)-କେନ୍ଦୁଝର ଜିଲା ଯୋଡା ଆର୍ଥ ମୁଭର୍ସ ଓ ଡିପି ସିଂ ନାମକ ଦୁଇଗୋଟି ବ୍ୟବସାୟିକ ସଂସ୍ଥାରେ ଲକ୍ଷାଧିକ ଟଙ୍କା ହଡପ କରିଥିବା ଅଭିଯୋଗରେ ପୋଲିସ ଚମ୍ପୁଆ ଥାନା କାଳିକାପ୍ରସାଦ ଗ୍ରାମର ନରହରି ରାଉତଙ୍କୁ ଗୁରୁବାର ଗିରଫ କରିଛି। ପୋଲିସ ସୂଚନା ଅନୁଯାୟୀ, ୨୦୧୩ ମସିହାରୁ ଏହି ଦ୍ୱୟ କମ୍ପାନୀରେ ସିନିୟର ଆକାଉଣ୍ଟାଣ୍ଟ ଭାବେ ନରହରି କାର୍ଯ୍ୟ କରୁଥିଲେ। ଏହି ସମୟରେ ସେ ବିଭିନ୍ନ ବ୍ୟାଙ୍କରେ କମ୍ପାନୀର ଅର୍ଥ କାରବାର କରିଥିଲେ। ସେ ପ୍ରାୟ ଏହି ଦୁଇଟି କମ୍ପାନୀରୁ ୭,୬୪,୯୮୫ ଟଙ୍କା ହଡପ କରି ଫେରାର ହୋଇଯାଇଥିଲେ। ତେବେ ପୋଲିସ ଏନେଇ ଏକ ମାମଲା (ନଂ.୮୯/୨୦୨୦) ରୁଜୁ କରି ଅଧିକ ତଦନ୍ତ ଜାରି ରଖିଛି।