ଚମ୍ପୁଆ,୨୧ା୧୨(ଡି.ଏନ.ଏ): ବାରମ୍ବାର ରାଜସ୍ବ ବିଭାଗ ଆଖିରେ ଧୂଳି ଦେଇ ପଥର ଓ ବାଲି ଚୋରା କାରବାର ବଢୁଥିବା ବେଳେ ରାଜସ୍ବ ବିଭାଗ ପକ୍ଷରୁ ରୁକ୍ଷ ମନୋଭାବ ପୋଷଣ କରାଯାଇଛି। କିଛିଦିନ ପୂର୍ବରୁ ଏହି ପଥର ହୁଡି ଉପରେ ତହସିଲଦାର ଆଲୋକ ପଟେଲ ଚଢ଼ାଉ କରି ନିକଟସ୍ଥ କ୍ରସରକୁ ମୋଟା ଅଙ୍କର ଫାଇନ କରିଥିବା ବେଳେ ଶନିବାର ତହସିଲଦାର ପଟେଲ ଅଚାନକ ଉକ୍ତ ପଥର ହୁଡି ଉପରେ ଚଢ଼ାଉ କରି ଦୁଇ ପଥର ବୋଝେଇ ଟ୍ରାକ୍ଟରକୁ ଜବତ କରିଛନ୍ତି। ସେହିପରି ବାଲି ମାଫିଆ ମାନେ ବିଭାଗ ଆଖିରେ ଧୂଳି ଦେଇ ଚୋରା ଚାଲାଣ କରୁଥିବା ବେଳେ ତାଙ୍କ ପାଇଁ ଏହା ସତର୍କ ଘଣ୍ଟି ବୋଲି ବିଭାଗ ସୂତ୍ରରୁ ପ୍ରକାଶ।