ବୁଗୁଡ଼ା,୭ା୬(ଡି.ଏନ.ଏ.)- ବୁଗୁଡ଼ା ସହର ମଦନମୋହନ ଛକଠାରେ ରବିବାର ବୁଗୁଡ଼ା ବନବିଭାଗ ତରଫରୁ ଚଢ଼ାଉ କରାଯାଇ ଏକ ବାଇକ ସହ ୫ କେଜି ବାର୍ହା ମାଂସ ଜବତ ହୋଇଛି। ଏଥିରେ ୨ ଜଣ ଶିକାରୀଙ୍କୁ ଗିରଫ କରାଯାଇଛି। ସେମାନେ ହେଲେ ଗାଙ୍ଗପୁର ଥାନା ମହାନିମପଲ୍ଲୀ ଗ୍ରାମର ରାମ ନାୟକ ଓ ଦିବାନା ନାୟକ। ଏନେଇ ବନ ବିଭାଗ ପକ୍ଷରୁ କେଶ ନଂ.୧୦୭/୨୦-୨୧ରେ ଏକ ମାମଲା ରୁଜୁ ହୋଇଛି।
ଚାରିଆଡେ ଶଟ୍ଡାଉନ ଚାଲିଥିବାବେଳେ ଏହାର ସୁଯୋଗ ନେଇ ଠଣାପଲ୍ଲୀ ଜଙ୍ଗଲରୁ ବାର୍ହା ଶିକାର କରିଥିଲେ ରାମ ଓ ଦିବାନା। ବାଇକରେ ମାଂସ ଧରି ବିକିବାକୁ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ବୁଗୁଡ଼ା ମଦନମୋହନ ଛକଠାରେ ବନାଞ୍ଚଳ ଅଧିକାରୀ ଫକୀର ଚରଣ ବେହେରା, ବନପାଳ ଅଭିରାମ ଖିଲ, ବନରକ୍ଷୀ ଶିବରାମ ପାତ୍ର, ରତନ ମଲିକ ପ୍ରମୁଖ ଚଢାଉ କରିଥିଲେ।