ମୁମ୍ବାଇ: କରୋନା ଭାଇରସ୍ ଯୋଗୁ ସାଧାରଣ ଜୀବନଯାପନ ଏକପ୍ରକାର ଠପ୍ ହୋଇଯାଇଛି। ଏଥିଯୋଗୁ ବ୍ୟବସାୟ, ବିଭିନ୍ନ ପ୍ରକାରର କାର୍ଯ୍ୟପନ୍ଥା, ଫିଲ୍ମ ଶୁଟିଂ, ରିଲିଜ ଉପରେ ବହୁ ପ୍ରଭାବ ପଡ଼ିଛି। ଏଥିସହ କେତେକଙ୍କ ବିବାହ ସ୍ଥଗିତ ହୋଇଯାଇଥିବା ବେଳେ ଆଉ କେତେକ ଅନ୍ଲାଇନ୍ରେ ବିବାହ କରୁଥିବା ଦେଖିବାକୁ ମିଳିଛି। ଇତିମଧ୍ୟରେ ଫିଲ୍ମ ବାହୁବଳିର ଭଲାଲ ଦେବ ଫେମ୍ ରାଣା ଡଗ୍ଗୁବତୀ ନିଜ ପ୍ରେମିକା ତଥା ବ୍ୟବସାୟୀ ମିହିକା ବଜାଜଙ୍କ ସହ ନିର୍ବନ୍ଧ କରିଥିବା ଜଣାପଡ଼ିଛି। ଇନ୍ଷ୍ଟାଗ୍ରାମରେ ରାଣା ଏକ ଫଟୋ ଶେୟାର କରି ଏନେଇ ସୂଚନା ଦେଇଛନ୍ତି। ଏଥିସହ ସେ ଟୁଇଟ କରି ଲେଖିଛନ୍ତି ସେ ହଁ କହିଦେଲା।
ଏହାପରେ ଅନ୍ଲାଇନ୍ରେ ଏହି କପଲଙ୍କୁ ସେଲିବ୍ରିଟିଙ୍କ ସହ ପ୍ରଶଂସକଙ୍କ ମଧ୍ୟ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ସାଉଥ୍ ସୁପରଷ୍ଟାର ଚିରଞ୍ଜିବ ଫିଲ୍ମି ଅନ୍ଦାଜରେ ରାଣା ଓ ମିହିକାଙ୍କୁ ଶୁଭେଚ୍ଛା ଜଣାଇଛନ୍ତି। ଚିରଞ୍ଜିବ ଟୁଇଟରରେ ରାଣାଙ୍କ ସହ ଏକ ଫଟୋ ଶେୟାର କରି ଶୁଭେଚ୍ଛା ଜଣାଇଛନ୍ତି। ଏଥିସହ ସେ ଲେଖିଛନ୍ତି, ଶେଷରେ ଭଲାଲଦେବ ପ୍ରେମରେ ପଡ଼ିଗଲେ। ଏହି ଲକ୍ଡାଉନ ବିବାହ ଆଡ଼କୁ ନେଇଯାଉ। ଭଗବାନ ତୁମ ଦୁହିଁଙ୍କୁ ଆର୍ଶୀବାଦ କରନ୍ତୁ ବୋଲି ଚିରଞ୍ଚିବ କହିଛନ୍ତି।