କରୋନା ଭାଇରସ୍ ଯୋଗୁ ଗତ ଦୁଇ ମାସ ହେବ କୌଣସି ମ୍ୟାଚ୍ ଆୟୋଜନ କରାଯାଇ ନାହିଁ। ଫଳରେ ଖେଳାଳିମାନେ ଲକ୍ଡାଉନ୍ରେ ନିଜ ପରିବାର ସହ ସମୟ ବିତାଉଛନ୍ତି। ଗତ ବିଶ୍ୱକପ୍ ପରଠାରୁ କ୍ରିକେଟରୁ ଦୂରେଇ ରହିଥିବା ମହେନ୍ଦ୍ର ସିଂ ଧୋନୀଙ୍କ କିଛି ନା କିଛି ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥାଏ। ନିକଟରେ ସେ ଘରେ କୁକୁର ସହ ଖେଳୁଥିବାର ଭିଡିଓ ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଏହି ଭିଡିଓରେ ଝିଅ ଜିଭା ମଧ୍ୟ ତାଙ୍କ ସହ ବସିଥିବାର ଦେଖାଯାଇଛି। ଏହା ପୂର୍ବରୁ ଧୋନୀ ଟ୍ରାକ୍ଟର ଚଲାଉଥିବାର ଭିଡିଓ ମଧ୍ୟ ଭାଇରାଲ ହୋଇଥିଲା। ଧୋନୀ ସୋସିଆଲ ମିଡିଆରେ ଏତେ ସକ୍ରିୟ ନ ଥିଲେ ମଧ୍ୟ ସ୍ତ୍ରୀ ସାକ୍ଷୀ ତାଙ୍କର ଭିଡିଓ ପୋଷ୍ଟ କରିଥାନ୍ତି।