ବାଲିଗୁଡ଼ା,୨୮ା୫(ଡି.ଏନ୍.ଏ.)- ଲକ୍ଡାଉନ୍ ପରେ କାମ ନ ପାଇ ହାତବାନ୍ଧି ବସିଥିବା ବାଲିଗୁଡା ଟାଉନର ୪୦ରୁ ଉର୍ଦ୍ଧ୍ୱ ଚିତ୍ରଶିଳ୍ପୀଙ୍କୁ ସହାୟତାର ହାତ ବଢ଼ାଇଛି ଏନ୍ଏସି। ଏନ୍ଏସି ଅଧ୍ୟକ୍ଷ ଲୋକନାଥ ପାଢ଼ୀ ଅଞ୍ଚଳର ସମସ୍ତ ଚିତ୍ରଶିଳ୍ପୀଙ୍କୁ ଏକାଠି କରି ସହରକୁ ସରସ ସୁନ୍ଦର କରିବା ସହ କରୋନା ସଚେତନତା ପାଇଁ କାନ୍ଥଚିତ୍ର ଆରମ୍ଭ କରିଛନ୍ତି। ମେଡିକାଲ ଛକରୁ ଏହା ଆରମ୍ଭ କରାଯାଇଛି। ସ୍ଥାନୀୟ ଏନ୍ଏସି ତରଫରୁ ଆଗାମୀ ଦିନରେ କଳାକାରଙ୍କ ପାଇଁ ବହୁତ କାମ ଯୋଗାଇ ଦିଆଯିବ। ଆଗାମୀ ଦିନରେ ଟାଉନର ୫୯ନଂ. ଜାତୀୟ ରାଜପଥ ଉଭୟ ପାର୍ଶ୍ୱରେ ମଧ୍ୟ ଏଭଳି କାନ୍ଥଚିତ୍ର କରାଯିବ ବୋଲି ଅଧ୍ୟକ୍ଷ ପାଢ଼ୀ କହିଛନ୍ତି।