ଭାରତରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏଭଳି ଘଡ଼ିସନ୍ଧି ମୁହୂର୍ତ୍ତରେ ଅନେକ ଲୋକ ଅସହାୟଙ୍କୁ ସହାୟତାର ହାତ ବଢ଼ାଉଛନ୍ତି। ସେହିପରି ଜଣେ ହେଲେ ଲକ୍ଷ୍ନୌର ୮୦ ବର୍ଷୀୟ ବୃଦ୍ଧ କୁଲି ମୁଜିବୁଲ୍ଲାହ। ସେ ରେଳ ଷ୍ଟେଶନରେ ବିନା ମୂଲ୍ୟରେ ଲୋକଙ୍କ ଜିନିଷ ଉଠାଇବା ସହ ଖାଇବାକୁ ଦେଉଛନ୍ତି। ଏହି ବୟସରେ ମୁଜିବୁଲ୍ଲାହ ପ୍ରତିଦିନ ୮ରୁ ୧୦ ଘଣ୍ଟା ଲୋକଙ୍କୁ ସହାୟତା କରୁଛନ୍ତି। ଏ ନେଇ ମୁଜିବୁଲ୍ଲାହ କୁହନ୍ତି, ଏହା କର୍ତ୍ତବ୍ୟ ଏବଂ ବହୁତ ମହତ୍ୱପୂର୍ଣ୍ଣ। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ବଲିଉଡ୍ କଳାକାର ସୋନୁ ସୁଦ ପ୍ରବାସୀ ଶ୍ରମିକଙ୍କୁ ନିଜ ଘରକୁ ପଠାଇବାରେ ସହଯୋଗ କରୁଛନ୍ତି। ଏହାକୁ ବିଭିନ୍ନ ମହଲରେ ପ୍ରଶଂସା କରାଯାଉଛି।