ଠାକୁରମୁଣ୍ଡା,୨୭ା୩(ଡି.ଏନ୍.ଏ.)- ମୟୂରଭଞ୍ଜ ଜିଲା ଠାକୁରମୁଣ୍ଡା ଅଞ୍ଚଳରେ ଲକ୍ଡାଉନ୍ କଟକଣାକୁ ଅମାନ୍ୟ କରିବା ଅଭିଯୋଗରେ ପୋଲିସ ୧୦ଟି ବାଇକ୍ ଜବତ କରିଛି। ଠାକୁରମୁଣ୍ଡା ବଜାରରେ ଜରୁରୀ କାମ ନ ଥାଇ ବାଇକ ଯୋଗେ ଘୁରି ବୁଲୁଥିବା ଲୋକଙ୍କ ବିରୋଧରେ ପୋଲିସ ଏଭଳି ପଦକ୍ଷେପ ଗ୍ରହଣ କରିଛି। ଏଥି ସହିତ ପୋଲିସ ଟିମ୍ ବିଭିନ୍ନ ଅଞ୍ଚଳରେ ପଇଁତରା ମାରି ବାହାରେ ବୁଲୁଥିବା ଲୋକଙ୍କୁ ତାଗିଦ୍ କରି ଘରେ ରହିବାକୁ ପରାମର୍ଶ ଦେଉଥିବା ଦେଖିବାକୁ ମିଳିଛି। ସେହିପରି ମହୁଲଡିହା ଥାନା ଅଧୀନ ସାତକୋଶିଆଠାରେ ଗୁରବାର ହେବାକୁ ଥିବା ହାଟକୁ ପୋଲିସ ବନ୍ଦ କରି ଦେଇଛି।