ପାଟପୁର,୨୭।୩(ଡି.ଏନ୍.ଏ.): କରୋନା ଭୟାବହତାକୁ ଦୃଷ୍ଟିରେ ରଖି ଏହାର ମୁକାବିଲା ଲାଗି ସରକାରଙ୍କ ପକ୍ଷରୁ ସମଗ୍ର ରାଜ୍ୟରେ ଲକ୍ଡାଉନ୍ ଘୋଷଣା କରାଯାଇଛି। ଏହି ନିୟମକୁ ଉଲ୍ଲଙ୍ଘନ କରି ଗଞ୍ଜାମ ଜିଲା ପାଟପୁର ପୋଲିସ ଦୁଇଟି ମାମଲା ରୁଜୁ କରି ୧୧ଜଣଙ୍କୁ ଗୁରୁବାର ସନ୍ଧ୍ୟାରେ ଗିରଫ କରିଛି। ସେମାନେ ହେଲେ ବାସୁଦେବପୁର ଗ୍ରାମର ସନ୍ତୋଷ ମିଶ୍ର, ରାମଚନ୍ଦ୍ରପୁର ଗ୍ରାମର ସନ୍ୟାସୀ ଦଳାଇ, ପାଟପୁର ଗ୍ରାମର ରବୀନ୍ଦ୍ର ନାଥ ସାହୁ, ଜୟରାମ ସାହୁ, ମନୋଜ ସ୍ବାଇଁ, ଗାଣ୍ଡୁ ସାହୁ, ହରି ମହାକୁଡ, ମନୁ ସ୍ବାଇଁ, ମିଟୁ, ଅରକ୍ଷିତ ମହାନ୍ତି ଓ ଟୁକୁନା ବେହେରା। ଆଇନ ଅନୁଯାୟୀ ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ମିଳିଛି।