ରଘୁନାଥପୁର, ୨୮।୩ (ଡି.ଏନ୍.ଏ.)-କରୋନା ସଂକ୍ରମଣ ରୋକିବାକୁ ସାରାଦେଶ ଲକ୍ଡାଉନ୍ କରାଯାଇଛି। କେବଳ ଜରୁରୀ ସମୟରେ ଓ ଅତ୍ୟାବଶ୍ୟକ ସାମଗ୍ରୀ ଆଣିବା ପାଇଁ ଲୋକମାନେ ବାହାରକୁ ଯିବା ପାଇଁ ସରକାରୀ ନିର୍ଦ୍ଦେଶ ରହିଛି। ହେଲେ ରଘୁନାଥପୁର ବ୍ଲକ ଅଞ୍ଚଳରେ ଲୋକମାନେ ଏହାକୁ ମାନୁ ନ ଥିବା ଦେଖାଯାଉଛି। ଔଷଧ ନହେଲେ ଖାଦ୍ୟ ସାମଗ୍ରୀ ଆଣିବା ନଁାରେ ଅନେକ ଲୋକ ଘରୁ ବାହାରି ପଦାରେ ବୁଲୁଛନ୍ତି। ବ୍ଲକ ଅଧୀନ ରଘୁନାଥପୁର ଓ ରେଢ଼ୁଆ ହାଟରେ ଅନେକ ସମୟରେ ଲୋକଙ୍କ ଗହଳି ଲାଗି ରହୁଥିବାରୁ ସ୍ଥାନୀୟ ତହସିଲଦାର ପୋଲିସ ସହ ସେଠାରେ ପହଞ୍ଚତ୍ ସାମାଜିକ ଦୂରତା ରକ୍ଷା କରିବା ପାଇଁ ଲୋକଙ୍କୁ ସଚେତନ କରିଥିଲେ। ଏଥିସହ ସ୍ଥାନୀୟ ସରପଞ୍ଚଙ୍କ ସହ ଆଲୋଚନା କରି ଲୋକଙ୍କୁ ସଚେତନ କରିବାକୁ ପରାମର୍ଶ ଦେଇଥିଲେ। ଏହାଛଡ଼ା ସପ୍ତାହକୁ ଦୁଇ ଦିନ ବସୁଥିବା ଏହି ହାଟ ଗୋଟିଏ ଦିନ ବସିବ (ସମୟ ସକାଳ ୯ଟାରୁ ଅପରାହ୍ନ ୧ଟା) ପର୍ଯ୍ୟନ୍ତ ଚାଲିବ ବୋଲି ନିର୍ଦ୍ଦେଶ ଦେଇଥିଲେ। ଅପ୍ୟପଟେ ଲକ୍ଡାଉନ୍ ପାଇଁ ରଘୁନାଥପୁର, ତାରପୁର ବାଇପାସ୍, ଜଇପୁର ଛକ, ରେଢୁଆ ହାଟ, ତରିକୁନ୍ଦ ବଜାର ଓ ବିଭିନ୍ନ ଜନଗହଳିପୂର୍ଣ୍ଣ ଛକରେ ପୋଲିସ ଫୋର୍ସ ମୁତୟନ କରାଯାଇଛି। ବିଭିନ୍ନ ସମୟରେ ଗାଁ ଭିତରକୁ ପିସିଆର୍ ଭ୍ୟାନ୍ ପଶି ପରିସ୍ଥିତି ଉପରେ ନଜର ରଖୁଛନ୍ତି। ଅନ୍ୟପଟେ ରାଜ୍ୟ ବା ଦେଶ ବାହାରୁ ଆସିଥିବା ୨୫ ଜଣଙ୍କୁ ହୋମ୍ ଆଇଶୋଲେସନରେ ରଖାଯାଇଥିବା ବେଳେ ପ୍ରତିଦିନ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଉଛି ବୋଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ମୁଖ୍ୟ ସୁକାନ୍ତ କୁମାର ଦଳାଇ ସୂଚନା ଦେଇଛନ୍ତି।