ନୂଆଦିଲ୍ଲୀ: ଲକ୍ଡାଉନ୍ ସମୟରେ ଏବେ ପ୍ରାୟ ସବୁ ବ୍ୟବସାୟ ଠପ୍ ହୋଇଯାଇଥିବା ବେଳେ ହଠାତ୍ ସେକ୍ସ ଟଏ ବିକ୍ରି ଅତ୍ୟଧିକ ବୃଦ୍ଧି ପାଇଥିବା ଜଣାପଡ଼ିଛି। ବୋଧହୁଏ ଏହା ଏକମାତ୍ର ଅନ୍ଲାଇନ୍ ବ୍ୟବସାୟ ଆଶାତୀତ ପରିମାଣରେ ବିକ୍ରି ହୋଇପାରିଛି। ପ୍ରାୟ ସବୁ ଦେଶରେ ଏହି ସେକ୍ସ ଟଏଗୁଡ଼ିକ ବିକ୍ରି ହେଉଛି। ବିଶେଷକରି କଲମ୍ବିଆରେ ଏହି ବ୍ୟବସାୟ ବହୁତ ଅଧିକ ଲାଭଜନକ ହୋଇଛି ବୋଲି ସେକ୍ସ ଟଏ ବିକ୍ରେତାମାନେ କହିଛନ୍ତି। କଲମ୍ବିଆରେ କେତେକ ଦୋକାନରୁ ସମସ୍ତ ସେକ୍ସ ଟଏ ବିକ୍ରି ହୋଇଯାଇଥିବାରୁ ସେମାନେ ରେଡ୍ ବ୍ୟାନରରେ ସୋଲ୍ଡ ଆଉଟ୍ ଲେଖି ଦୋକାନ ବନ୍ଦ କରିଦେଇଛନ୍ତି। ଅନ୍ୟ ଜଣେ ବିକ୍ରେତା କହନ୍ତି ଯେ, ଲକ୍ଡାଉନ୍ ଆରମ୍ଭ ହେବାର ପ୍ରାୟ ଚାରିଦିନ ପରେ ତାଙ୍କ ଦୋକାନର ସାମଗ୍ରୀ ସବୁ ହଠାତ୍ ୫୦ ପ୍ରତିଶତ ଅଧିକ ବିକ୍ରି ଆରମ୍ଭ ହୋଇଛି। ଅଧିକାଂଶ ଯୁବତୀଯୁବକ ଓ ମଧ୍ୟବୟସ୍କମାନେ ଏଭଳି ସେକ୍ସ ଟଏ ପ୍ରତି ଆଗ୍ରହ ପ୍ରକାଶ କରି କିଣିଥିବା ଦେଖାଯାଇଥିଲା। ଲକ୍ଡାଉନ୍ ଯୋଗୁ ସବୁଲୋକ ଏବେ ଘରେ ରହୁଛନ୍ତି। ତେଣୁ ଜୀବନକୁ ବିଭିନ୍ନ ପ୍ରକାର ଉପଭୋଗ କରିବା ପାଇଁ ସେମାନଙ୍କ ପାଖରେ ଏବେ ଢେର୍ ଅଧିକ ସମୟ। ସେଥିପାଇଁ ଘରେ ମଜା କରିବା ପାଇଁ ଏଭଳି ସେକ୍ସ ଟଏର ଚାହିଦା ବହୁତ ବଢ଼ିିଯାଇଛି। ମନୋବିଜ୍ଞାନୀଙ୍କ ମତରେ ସେକ୍ସ ଟଏ ହିଁ ମଣିଷକୁ ଏହି ଲକ୍ଡାଉନ୍ ସମୟରେ ଅବସାଦରୁ ଦୂରେଇ ରଖିବାରେ ବେଶ୍ ସହାୟକ ହୋଇପାରିବ।