କୋଲକାତା, ୧୨ା୬ (ପି.ଟି.)-କୋଭିଡ୍-୧୯ ଲକ୍ଡାଉନ୍ ମିଆଦ କ୍ରମେ ବୃଦ୍ଧି ଯୋଗୁ ଭାରତୀୟ ଉକେଟକିପର ବ୍ୟାଟ୍ସମ୍ୟାନ ଦୀନେଶ କାର୍ତ୍ତିକଙ୍କୁ ଭ୍ରମରେ ପକାଇଥିଲା। କେରୋନାଭାଇରସ୍ ବ୍ୟାପିବାରୁ ମାର୍ଚ୍ଚ ୨୫ରୁ ସମଗ୍ର ଦେଶରେ ଲକ୍ଡାଉନ୍ କାର୍ଯ୍ୟକାରୀ କରାଗଲା। ସମସ୍ତ କ୍ରିକେଟରଙ୍କୁ ଘରେ ରହିବାକୁ ହୋଇଥିଲା, ଯଦିଓ ପର୍ଯ୍ୟାୟ କ୍ରମେ ଏଥିରେ କୋହଳ କରାଗଲା। ପ୍ରଥମାବସ୍ଥାରେ ଲକ୍ଡାଉନ ଭଲ ଲାଗିଥିଲା। ଘରେ ରହି ଟ୍ରେନିଂ ନେବାରେ ଖୁସି ଅନୁଭବ ହେଉଥିଲା। ମାତ୍ର ପରେ ଏହାର ମିଆଦକୁ ୨, ୩ ଓ ୪ ସପ୍ତାହ ବୃଦ୍ଧି କରାଯିବାରେ ମୁଁ ସନ୍ଦିହାନରେ ପଡ଼ିଯାଇଥିଲି। ମୁଁ ମୋର ପରବର୍ତ୍ତୀ ମ୍ୟାଚ କେବେ ଖେଳିବି ତାହା ଅନୁମାନ କରିପାରୁ ନ ଥିଲି। ମୁଁ କାହାପାଇଁ ଘରେ ଅଭ୍ୟାସ କରୁଛି ବୋଲି ମୋର ମନରେ ପ୍ରଶ୍ନ ଆସିଥିଲା। ଲକ୍ଡାଉନ୍ ଶେଷରେ ମୋ ପାଇଁ ବୋରିଂର କାରଣ ହୋଇଥିଲା। ସୌଭାଗ୍ୟବଶତଃ ୩୫ ବର୍ଷୀୟ କ୍ରିକେଟରଙ୍କ ସ୍ତ୍ରୀ ଜଣେ ଅନ୍ତର୍ଜାତୀୟ ସ୍କ୍ବାଶ ଖେଳାଳି ଦୀପିକା ପାଲିକଲ। ସେ ମଧ୍ୟ ସମାନ ପରିସ୍ଥିତିର ସମ୍ମୁଖୀନ ହୋଇଥିଲେ। ତାଙ୍କଠାରୁ ଦୀନେଶଙ୍କୁ ପ୍ରେରଣା ମିଳିଥିଲା। ଦୀପିକା ଏକ ବ୍ୟକ୍ତିଗତ ଖେଳ ସହିତ ଜଡ଼ିତ। ସେ ତାଙ୍କର ପରବର୍ତ୍ତୀ ମ୍ୟାଚ କେବେ ଖେଳିବେ ତାଙ୍କୁ ଜଣା ନ ଥିଲା। ମୋ ମନରେ ଧାରଣା ସୃଷ୍ଟି ହୋଇଥିଲା ସ୍କ୍ବାଶ ଅପେକ୍ଷା କ୍ରିକେଟ ବୋଧ ହୁଏ ଆଗ ଆରମ୍ଭ ହେବ। କିନ୍ତୁ ଆଗକୁ କୌଣସି ଟୁର୍ନାମେଣ୍ଟ ନ ଥିଲେ ମଧ୍ୟ ଦୀପିକା ବିନାଦ୍ୱିଧାରେ ତାଙ୍କ ଅଭ୍ୟାସ ଜାରି ରଖିଥିଲେ। କୋଭିଡ୍-୧୯ ଯୋଗୁ ଆଗକୁ କ୍ରିକେଟ ଆରମ୍ଭ ହେଲେ ବଲ୍ଙ୍କୁ ଚକ୍ଚକ୍ କରିବା ଲାଗି ଛେପ ବ୍ୟବହାର ଉପରେ କଟକଣା ରହିଛି। ଲମ୍ବା ଫର୍ମାଟରେ ବୋଲରମାନଙ୍କ ପାଇଁ ଏହା ଏକ ବଡ଼ ଚ୍ୟାଲେଞ୍ଜ ହେବ ବୋଲି କାର୍ତ୍ତିକ କହିଛନ୍ତି।