ବଲାଙ୍ଗୀର ଅଫିସ, ୨୬ା୪: ବଲାଙ୍ଗୀର ସଦର ବ୍ଳକ ବୈଦିପାଲି ପଞ୍ଚାୟତ ଅନ୍ତର୍ଗତ ଫୁଲଝରଣ ଗଁ। ରେ ଜିଲା କୃଷକ ମହାସଂଘ ପକ୍ଷରୁ ରବିବାର ପବିତ୍ର ଅକ୍ଷୟ ତୃତୀୟା ପାଳନ କରାଯାଇ ଅକ୍ଷିମୁଠି ଅନୁକୂଳ କରାଯାଇଛି । ଗଁ। କ୍ଳବ ସମ୍ମୁଖରୁ ଗିନି, ମୃଦଙ୍ଗ ତାଳେ ତାଳେ ପୂଜାର୍ଚ୍ଚନା ସାମଗ୍ରୀ ଧରି ଚାଷୀମାନେ ଗଁ। ମୁଣ୍ଡ କ୍ଷେତରେ ପହଞ୍ଚତ୍ଥିଲେ । ସେଠାରେ ବୟୋାଜ୍ୟେଷ୍ଠ ଚାଷୀ ଦୁର୍ଜନ ଦାନୀ ପାରମ୍ପରିକ ପୂଜାର୍ଚ୍ଚନା କରିବା ପରେ ଜିଲା କୃଷକ ମହାସଂଘ ସଭାପତି ଡା ସୁଧୀର କୁମାର ପରିଚ୍ଛା ଅକ୍ଷିମୁଠି ଅନୁକୂଳ କରିଥିଲେ । ଚାଷୀ ଗଣେଶ୍ୱର ବାଗ ହଳ କରିଥିଲେ । ଚାଷୀ କେଳାସ ଷାଣ୍ଢ ପୂଜା ଥାଳ ଧରିଥିଲେ । ଚାଷୀ ଦୁର୍ଜନ ଓ ଗଣେଶ୍ୱରଙ୍କ ସୁମଧୁର ହଲିଆ ଗୀତରେ କୃଷି ପର୍ବ ଆରମ୍ଭ ହୋଇଥିଲା । ଜିଲା କୃଷକ ସଂଘ ସଭାପତି ଡା. ପରିଚ୍ଛା କହିଥିଲେ ଯେ ଭାରତୀୟ କୃଷି ପରମ୍ପରାରେ ଅକ୍ଷୟ ତୃତୀୟା ହେଉଛି କୃଷିପର୍ବର ଆଦ୍ୟାରମ୍ଭ । ଚାଷୀକୂଳ ଶ୍ରମ ଦେଇ ସମସ୍ତଙ୍କୁ ଅନ୍ନ ଯୋଗାଇଥାନ୍ତି । ଆଜି ସମଗ୍ର ବିଶ୍ୱ କରୋନା ମହାମାରୀରେ ସନ୍ତ୍ରସ୍ତ ଥିବାବେଳେ ଚାଷୀ ପୁଣି ଥରେ ତାହା ଚିରାଚରିତ ଯୁଦ୍ଧକ୍ଷେତ୍ରକୁ ଓହ୍ଳାଇଛି ଅନ୍ନ ଯୋଗାଇବାର ବାର୍ତ୍ତା ନେଇ । କରୋନା ସମୟରେ ଡାକ୍ତର, ନର୍ସ, ପୋଲିସ କର୍ମଚାରୀଙ୍କୁ କରୋନା ଯୋଦ୍ଧା କୁହାଯାଇ ଉତ୍ସାହିତ କରାଯାଉଛି । ମାତ୍ର ଚାଷୀ ହିଁ ହେଉଛି ସବୁ ସମୟର ଓ ସବୁଠୁ ବଡ ଯୋଦ୍ଧା । ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ କରୋନା ଯୋଦ୍ଧାମାନଙ୍କୁ ପ୍ରଶଂସା କଲାବେଳେ ଚାଷୀଙ୍କୁ ଭୁଲିଯିବା ଦୁର୍ଭାଗ୍ୟଜନକ ବୋଲି ଡା ପରିଚ୍ଛା କରିଥିଲେ । କରୋନା ସଂକ୍ରମଣ କାଳରେ ଚାଷୀଙ୍କୁ ସହଯୋଗ ଓ ସଦିଚ୍ଛାର ହାତ ବଢ଼ାଇବା ସରକାରଙ୍କ ମୁଖ୍ୟ କର୍ତ୍ତବ୍ୟ ବୋଲି ସେ କହିଥିଲେ । ଚଳିତବର୍ଷ ଭଲ ବର୍ଷା ହେଲେ ପୁଣିଥରେ ଚାଷୀ ନିଜ ହସିବା ସହ ଦୁନିଆକୁ ହସାଇବ ବୋଲି ଚାଷୀ ଦୁର୍ଜନ ଜାନୀ କହିଛନ୍ତି । ତେବେ କରୋନା ଲକ୍ଡାଉନ୍ ସମୟରେ ଚାଷ କାର୍ଯ୍ୟ କିଭଳି ସମ୍ପନ୍ନ ହେବ ନେଇ ଚାଷୀ ସନ୍ଦୀହାନ ଥିବା ଚାଷୀ ଗଣେଶ୍ୱର ବାଗ, କୈଲାସ ଷାଣ୍ଢ, ବିକାଶ ଷାଣ୍ଢ ଓ ଅନ୍ୟମାନେ କହିଛନ୍ତି । କରୋନା ଲକ୍ଡାଉନ୍ କାରଣରୁ କୃଷି ବିଭାଗ ତରଫରୁ ପାଳନ କରାଯାଉଥିବା ଅକ୍ଷୟ ତୃତୀୟା ମହୋତ୍ସବକୁ ଚଳିତବର୍ଷ ବାତିଲ କରାଯାଇଛି ।