ସ୍ପେନ୍: ସମଗ୍ର ବିଶ୍ୱରେ କରୋନା ଭାଇରସ୍ କାୟା ବିସ୍ତାର କରିଚାଲିଥିବା ବେଳେ ଅଧିକାଂଶ ଦେଶରେ ଲକ୍ଡାଉନ୍ ଜାରି କରାଯାଇଛି। ବିବାହ ପରି ସାମାଜିକ କାର୍ଯ୍ୟକ୍ରମ ପ୍ରତି ମଧ୍ୟ କଟକଣା ରହିଛି। ଏହାକୁ ଦୃଷ୍ଟିରେ ରଖି ସ୍ପେନ୍ର ଏକ ଯୋଡ଼ି ଶୁକ୍ରବାର ବାଲ୍କୋନିରେ ଠିଆ ହୋଇ ବିବାହ କରିଛନ୍ତି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଗୋଟିଏ ବର୍ଷ ପୂର୍ବରୁ ଏହି ଯୋଡ଼ିଙ୍କ ବିବାହ ହେବ ବୋଲି ସମସ୍ତ ପ୍ରସ୍ତୁତି ଚାଲିଥିଲା। ଏବେ କରୋନା ଆତଙ୍କ ଯୋଗୁ ବିବାହ ଆଡ଼ମ୍ବରରେ ନ ହୋଇ ଘରର ବାଲ୍କୋନିରେ ସମ୍ପନ୍ନ ହୋଇଛି।
https://www.instagram.com/p/B9usH-ho4Eh/?utm_source=ig_web_copy_link
ଏହି ବିବାହରେ ପଡ଼ୋଶୀମାନେ ଦମ୍ପତିଙ୍କୁ ଝରକା ପଟେ ଶୁଭେଚ୍ଛା ଜଣାଇଛନ୍ତି। ଏହି ଭିଡିଓଟି କୋରୁଗା ସହରର ଏକ ଆପାର୍ଟମେଣ୍ଟର। ବର ଡାନିଏଲ୍ ସେମିନା ଏବଂ କନ୍ୟା ଅଲ୍ବା ଡିଆଜ୍ ଜୋର୍ରେ ପାଟି କରି ଆମେ ବିବାହ କରୁଛୁ ବୋଲି କହିଥିଲେ। ଏଥିରେ ପଡ଼ୋଶୀମାନେ ଝରକା ପଟେ ସେମାନଙ୍କୁ ଆଶୀର୍ବାଦ କରିବା ସହ ଶୁଭେଚ୍ଛା ଜଣାଇଥିଲେ।
ଅନ୍ୟପକ୍ଷରେ ୟୁରୋପ ମହାଦେଶର ଅଧିକାଂଶ ଦେଶ କରୋନା ଭାଇରସ୍ରେ ପ୍ରଭାବିତ। ଏହାକୁ ଲକ୍ଷ୍ୟ ରଖି ଲକ୍ଡାଉନ୍ ସ୍ଥିତି ଜାରି କରାଯାଇଛି। ସ୍ପେନ୍ରେ ଶନିବାର ସକାଳ ସୁଦ୍ଧା କରୋନା ଭାଇରସ୍ ଆକ୍ରାନ୍ତଙ୍କ ସଂଖ୍ୟା ୨୧ ହଜାର ୫୭୧ ହୋଇଥିବା ବେଳେ ୧୦୯୩ ଜଣଙ୍କ ମୃତ୍ୟୁ ଘଟିସାରିଛି।
