ପାଟପୁର,୧୧ା୫-ଗଞ୍ଜାମ ଜିଲା ପାଟପୁର ଥାନା ଗୋକର୍ଣ୍ଣମେରୀପଲ୍ଲୀ ନିକଟ ଏକ ଖୋଲା ପଡିଆରେ ଭୋଜି ସହ ଜୁଆ ଖେଳ ଚାଲିଥିବା ନେଇ ପାଟପୁର ପୋଲିସକୁ ରବିବାର ସନ୍ଧ୍ୟାରେ ଖବର ମିଳିଥିଲା। ଏହାପରେ ଆଇଆଇସି ଅଜୟ କୁମାର ବାରିକଙ୍କ ନେତୃତ୍ୱରେ ଏକ ଟିମ୍ ସେଠାରେ ଚଢ଼ାଉ କରି ୮ ହଜାର ୪୫ ଟଙ୍କା ଜବତ କରିବା ସହ ୮ ଜୁଆଡିକୁ ଗିରଫ କରିଥିଲେ। ରୋଷେଇ ହୋଇଥିବା ଖାଦ୍ୟ ସାମଗ୍ରୀ ଜବତ କରିବା ସହ ୮ ବାଇକ୍ ଓ ମୋବାଇଲ ଫୋନ୍ ଜବତ କରାଯାଇଥିବା ଜଣାପଡ଼ିଛି। ଏନେଇ ନଂ. ୧୦୩/୨୦ ମାମଲା ରୁଜୁ ହୋଇଥିବା ଆଇଆଇସି ବାରିକ ସୂଚନା ଦେଇଛନ୍ତି।