ନଏଡ଼ା,୨୬।୩: ଲକ୍ ଡାଉନ୍ ସମୟରେ ଲୋକେ ଘରୁ ବାହାରକୁ ବାହାରିବା କଷ୍ଟକର ବ୍ୟାପାର ହୋଇଯାଇଛି। ଏହି ସମୟରେ ଲୋକଙ୍କ ନିକଟରେ ଅତ୍ୟାବଶ୍ୟକ ସାମଗ୍ରୀ ପହଞ୍ଚିବ ବୋଲି କହିଛନ୍ତି ନଏଡା ପ୍ରଶାସନ। ଯେଉଁମାନେ ହୋମ୍ ଡେଲିଭରି ଦେବେ ସେମାନେ ଉପଯୁକ୍ତ ସୁରକ୍ଷା ବ୍ୟବସ୍ଥା ଗ୍ରହଣ କରିବେ ବୋଲି କହିଛନ୍ତି ନଏଡା ପ୍ରଶାସନର ସିଇଓ ରିତୁ ମାହେଶ୍ୱରୀ। ଏହାସହ ବିଭିନ୍ନ ସେକ୍ଟରରେ ଅଲଗା ଅଲଗା ସ୍ଥାନରେ ପନିପରିବା ମଧ୍ୟ ମିଳିବ ବୋଲି କୁହାଯାଇଛି। ହେଲେ ଗ୍ରାହକ ନିଜ ନିଜ ମଧ୍ୟରେ ଓ ଦୋକାନିଙ୍କଠାରୁ ଉପଯୁକ୍ତ ଅର୍ଥାତ୍ ପ୍ରାୟ ୧ ମିଟର ଦୂରତା ବଜାୟ ରଖିବାକୁ କୁହାଯାଇଛି। ସୂଚନାଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ୨୧ ଦିନ ପାଇଁ ଲକ୍ଡାଉନ୍ ଘୋଷଣା କରିଥିବା ବେଳେ ଲୋକେ ଅତ୍ୟାବଶ୍ୟକ ସାମଗ୍ରୀ ପାଇଁ ଯେଭଳି ଅସୁବିଧାରେ ନ ପଡନ୍ତି ତାକୁ ମଧ୍ୟ ଦୃଷ୍ଟିରେ ରଖାଯାଇଛି।