ବରଗଡ଼ ଅଫିସ୍,୨୨।୪: ଘାତକ କରୋନା(କୋଭିଡ୍-୧୯) ଭୂତାଣୁ ସଂକ୍ରମଣକୁ ପ୍ରତିହତ କରିବା ପାଇଁ ଲକ୍ ଡାଉନ୍ କଟକଣା ଲାଗୁ ହୋଇଛି । ଏଥିରୁ କେବଳ ଅତ୍ୟାବଶ୍ୟକୀୟ ସାମଗ୍ରୀ ବିକୁଥିବା ଦୋକାନକୁ ବାଦ୍ ଦିଆଯାଇଛି । ମାତ୍ର କେତେକ ସ୍ଥଳେ ପ୍ରଶାସନର ଆଖିରେ ଧୂଳି ମାରି ଅତ୍ୟାବଶ୍ୟକୀୟ ସାମଗ୍ରୀ ନାଁରେ ଅନେକ ଅମାନିଆ ଅନ୍ୟ ଜିନିଷ ବିକୁଥିବା ସାଧାରଣରେ ଆଲୋଚିତ ହେଉଛି । ଏଭଳିଭାବେ କ୍ଷୀର ବିକ୍ରି ଆଳରେ ଅନ୍ୟ ସାମଗ୍ରୀ ବିକୁଥିବାବେଳେ ବୁଧବାର ବରଗଡ଼ ଗାନ୍ଧିଛକର ଦୋକାନୀ ପୌର ପ୍ରଶାସନ ହାତରେ ଧରାପଡ଼ିଛନ୍ତି । ଏହାପରେ ପ୍ରଶାସନ ପକ୍ଷରୁ ସମ୍ପୃକ୍ତ ଦୁଇ ଦୋକାନକୁ ସିଲ୍ କରି ଦିଆଯାଇଛି ।