ପ୍ୟାରିସ, ୪ା୯: ଅଷ୍ଟାନା ରାଇଡର ଆଲେକ୍ସି ଲଟ୍ସେଙ୍କୋ ତାଙ୍କ କ୍ୟାରିୟରର ସବୁଠାରୁ ବଡ଼ ସଫଳତା ହାସଲ କରିଛନ୍ତି। କାଜାଖସ୍ତାନର ଏହି ସାଇକ୍ଲିଷ୍ଟ ଟୁର୍ ଡି’ ଫ୍ରାନ୍ସ ସାଇକେଲ ରେସ୍ର ୬ଷ୍ଠ ଷ୍ଟେଜ୍ରେ ବିଜୟ ହାସଲ କରିଛନ୍ତି। ଅନ୍ୟପକ୍ଷରେ ବ୍ରିଟେନ୍ର ଆଡାମ୍ ୟେଟ୍ସ ଲିଡର ଭାବେ ୟଲୋ ଜର୍ସି ବଜାୟ ରଖିଛନ୍ତି। ୧୯୧ କିଲୋମିଟର ଦୂରତା ବିଶିଷ୍ଟ ଏହି ରେସ୍ ମଣ୍ଟ ଏଗୋଲଠାରେ ଶେଷ ହୋଇଥିଲା। ଅନ୍ତିମ ୧୭ କିଲୋମିଟରରେ ପ୍ରତିଯୋଗିମାନଙ୍କ ଲାଗି କଷ୍ଟକର ଥିଲା। ବୁଧବାର ବିଶୃଙ୍ଖଳା ପାଇଁ ଜୁଲିଆନ ଅଲାଫିଲିପ୍ଙ୍କୁ ୨୦ ସେକେଣ୍ଡ ଜରିମାନା ହୋଇଥିଲା। କିଫିଡିସ୍ ଟିମ୍ ତଥା ସ୍ପେନର ଜେସସ୍ ହେରାଡା ଏହି ଷ୍ଟେଜ୍ରେ ଦ୍ୱିତୀୟ ସ୍ଥାନ ଅଧିକାର କରିଥିବାବେଳେ ବେଲଜିୟମ ତଥା ସିସିସି ଟିମ୍ର ଗେଗ୍ ଭାନ ଆଭରମେଟ୍ ତୃତୀୟ ହୋଇଥିଲେ। ୟଲୋ ଜର୍ସି ବିଜେତା ଆଡାମ ୟେଟ୍ସ କିନ୍ତୁ ୧୦ମ ସ୍ଥାନରେ ରହିଥିଲେ।
