ମୁମ୍ବାଇ: କରୋନା ଭାଇରସ ସଂକ୍ରମଣ ପାଇଁ ମାର୍ଚ୍ଚ ମାସରୁ ଦେଶରେ ଲାଗୁ କରାଯାଇଥିଲା ଲକ୍ଡାଉନ। ଏଥିପାଇଁ ବଲିଉଡ୍ର ସମସ୍ତ ଫିଲ୍ମ ଶୁଟିଂ ମଧ୍ୟ ବନ୍ଦ କରି ଦିଆଯାଇଥିଲା। ବଲିଉଡ୍ର ଖିଲାଡି ବୟେ ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ବେଲ ବଟମ’ର ଶୁଟିଂ ବନ୍ଦ ଥିବା ବେଳେ ଏବେ ମହାରାଷ୍ଟ୍ର ସରକାର ଉକ୍ତ ଫିଲ୍ମର ଶୁଟିଂ ଜୁନ ୧୫ ତାରିଖ ପରେ ଆରମ୍ଭ କରିବାକୁ ଅନୁମତି ପ୍ରଦାନ କରିଛନ୍ତି। ତେଣୁ ବାକିଥିବା କାମକୁ ଶୀଘ୍ର ପୁରା କରିବାକୁ ଏବେ ଅକ୍ଷୟ ପୁରା ଦମ୍ରେ ଲାଗି ପଡିଛନ୍ତି। ଏଥିପାଇଁ ଅକ୍ଷୟ ଜୁଲାଇ ମାସରେ ଲଣ୍ଡନ ଯାତ୍ରା କରିବାର କାର୍ଯ୍ୟକ୍ରମ ରହିଛି। କାରଣ ଫିଲ୍ମର ବାକିଥିବା କିଛି ସିନ୍ ଲଣ୍ଡନରେ ହିଁ ଶୁଟିଂ କରାଯିବ। ଏହି ଥ୍ରୀଲର ଫିଲ୍ମକୁ ସଞ୍ଜିତ ତିଓ୍ବାରି ନିର୍ଦ୍ଦେଶନା ଦେଇଛନ୍ତି। ନିଖିଲ ଆଡଭାନି ଓ ବାସୁ ଭଗନାନୀ ଫିଲ୍ମର ପ୍ରଯୋଜନା ଦାୟିତ୍ୱ ନେଇଛନ୍ତି। ଏଥିରେ ଅକ୍ଷୟଙ୍କ ଲୁକ୍ର ପ୍ରଥମ ପୋଷ୍ଟର ଆସିଯାଇଥିବା ବେଳେ ଦର୍ଶକେ ଏହାକୁ ଉତ୍ସୁକତାର ସହ ଅପେକ୍ଷା ରଖିଛନ୍ତି।