ଲକ୍ଡାଉନ ଯୋଗୁ ଏବେ କୌଣସି କ୍ରିକେଟ ସିରିଜ୍ ଆୟୋଜନ କରାଯାଉନାହିଁ। ଏଥିପାଇଁ କ୍ରିକେଟରମାନେ ଘରେ ରହି ସୋସିଆଲ ମିଡିଆରେ ଆକ୍ଟିଭ୍ ରହୁଛନ୍ତି। କିଛି ଖେଳାଳି ମଜାଦାର ଭିଡିଓ ଏବଂ ଫଟୋ ଶେୟାର କରି ଦର୍ଶକଙ୍କ ମନୋରଞ୍ଜନ କରୁଛନ୍ତି। ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ୍ ନିଜର ଲଣ୍ଡା ଟେଷ୍ଟ କ୍ରିକେଟ ଟିମ୍ ଘୋଷଣା କରିଛନ୍ତି। ସେଥିରେ ଜଣେ ବି ଭାରତୀୟ ସାମିଲ ନାହାନ୍ତି। ଭନ୍ ଇଂଲଣ୍ଡର ପୂର୍ବତନ ଓପନର୍ ଗ୍ରାହାମ ଗୁଚ୍ଙ୍କୁ ଲଣ୍ଡା ଟେଷ୍ଟ ଦଳର ଓପନର୍ ବାଛିଛନ୍ତି। ତାଙ୍କ ଓପନିଂ ପାର୍ଟନର ଭାବେ ଦକ୍ଷିଣ ଆଫ୍ରିକାର ହର୍ସେଲ ଗିବ୍ସଙ୍କୁ ଚୟନ କରିଛନ୍ତି। ଦକ୍ଷିଣ ଆଫ୍ରିକାର ହାସିମ ଆମଲାଙ୍କୁ ତିନି ନମ୍ବର ବ୍ୟାଟ୍ସମ୍ୟାନ୍ ଭାବେ ବାଛିଛନ୍ତି। ଏହା ପରେ ଅଷ୍ଟ୍ରେଲିଆର ପୂର୍ବତନ ବ୍ୟାଟ୍ସମ୍ୟାନ ଡାରେନ ଲେହମାନ ଚତୁର୍ଥ, ଇଂଲଣ୍ଡର ପୂର୍ବତନ ବ୍ୟାଟ୍ସମ୍ୟାନ ଜୋନାଥନ ଟ୍ରଟ ପଞ୍ଚମ ସ୍ଥାନରେ ରହିଛନ୍ତି। ଇଂଲଣ୍ଡର ବ୍ରାଏନ କ୍ଲୋଜଙ୍କୁ ସେ ଲଣ୍ଡା ଦଳର ଅଧିନାୟକ ନିଯୁକ୍ତ କରିଛନ୍ତି।