ମୁମ୍ବାଇ: ବଲିଉଡ୍ ବାଦ୍ଶାହା ଅମିତାଭ ବଚ୍ଚନ ଅନେକ ସମୟରେ କିଛି ନା କିଛି ପୁରୁଣା ଫଟୋ ଓ ଭିଡିଓ ଶେୟାର କରି ଆସିଥାଆନ୍ତି ଚର୍ଚ୍ଚାକୁ। ନିକଟରେ କିନ୍ତୁ କପୁର ଖାନଦାନର ଦାୟଦ ଏମିତି ଏକ ଫଟୋ ଶେୟାର କରି ହୋଇଛନ୍ତି ଭାବ ବିହ୍ବଳ। ଏହି ଫଟୋସହ ବଲିଉଡ୍ ଅଭିନେତା ରିଷି କପୁର ତାଙ୍କ ପୁରୁଣା ସ୍ମୃତିକୁ ମନେପକାଇଛନ୍ତି। ଅବଶ୍ୟ ଫଟୋଟି ତାଙ୍କ ପାଇଁ ବେଶ୍ ଗୁରୁତ୍ୱ ରଖେ। ଫଟୋରୁ ଯାହା ଅନୁମାନ କରାଯାଉଛି ରିଷି ବୋଧହୁଏ ୨-୩ ମାସର ହୋଇଥିବା ବେଳେ ଭାରତ ରତ୍ନ ଲତାମଙ୍ଗେସକର ତାଙ୍କୁ କୋଳରେ ଧରିଛନ୍ତି। ଏହି ଫଟୋ ଶେୟାର କରିବା ସହ କ୍ୟାପଶନରେ ରିଷି ଲେଖିଛନ୍ତି ଲତାଜୀ ଦେଖନ୍ତୁ ଆପଣଙ୍କ ଆଶୀର୍ବାଦ ପାଇଁ ଆଜି ମୁଁ ଏହି ଫଟୋଟି ପାଇ ଯାଇଛି। ଆପଣଙ୍କ ଆଶୀର୍ବାଦ ସବୁବେଳେ ମୋ ଉପରେ ଥାଉ। ଏହି ଫଟୋକୁ ସୋସିଆଲ ମିଡିଆରେ ଶେୟାର କରିବା ପରେ ଅନେକ ଏହାକୁ ପସନ୍ଦ କରିଛନ୍ତି।