ଛେଣ୍ଡିପଦା, ୬।୪(ସ୍ବ.ପ୍ର.)-କରୋନା ମୁକାବିଲା ଲାଗି ପରିବାରକୁ ଭୁଲି ଦିନରାତି ଖଟୁଛନ୍ତି ପୋଲିସ କର୍ମଚାରୀ। କେତେକ ସ୍ଥାନରେ ଅମାନିକ ଯୁବକମାନେ ପୋଲିସ ଉପରକୁ ଆକ୍ରମଣ କରିବା ଭଳି ଘଟଣା ମଧ୍ୟ ନଜରକୁ ଆସୁଛି। କରୋନା ବିରୋଧୀ ଲଢ଼େଇରେ ସାମିଲ ହୋଇଥିବା ଏପରି କେତେଜଣ ପୋଲିସ କର୍ମଚାରୀଙ୍କୁ ସହଯୋଗ କରିବାକୁ ଆଗେଇ ଆସିଛନ୍ତି ଛେଣ୍ଡିପଦା ଜିଲା ପରିଷଦର ପୂର୍ବତନ ସଦସ୍ୟ ଦିଲୀପ ବେହେରା। ସେ ଅଞ୍ଚଳରେ କାର୍ଯ୍ୟରତ ପୋଲିସ କର୍ମଚାରୀଙ୍କୁ ସୋମବାର ଛତା ବଣ୍ଟନ କରିଛନ୍ତି। ଏବେ ପ୍ରଚଣ୍ଡ ଖରା ହେଉଥିବାବେଳେ ଏହା ସେମାନଙ୍କ କାମରେ ଆସିବ ବୋଲି ଦିଲୀପ କହିଛନ୍ତି।