ଖୋର୍ଦ୍ଧା ଅଫିସ,୨୮ା୧୧: ଲିଗାଲ ହାୟାର ସାର୍ଟିଫିକେଟ ଦେବା ପାଇଁ ଦୁଇ ହଜାର ଟଙ୍କା ଲାଞ୍ଚ ନେଉଥିବାବେଳେ ଖୋର୍ଦ୍ଧା ଜିଲା ବୋଲଗଡ଼ ତହସିଲର ପିଚୁକୁଳି ଅତିରିକ୍ତ ରେଭିନ୍ୟୁ ଇନ୍ସପେକ୍ଟର(ଏଆର୍ଆଇ)କୃଷ୍ଣଚନ୍ଦ୍ର ସେଠୀ ଗୁରୁବାର ଭିଜିଲାନ୍ସ ହାତରେ ଧରାପଡିଛନ୍ତି। କୃଷ୍ଣଚନ୍ଦ୍ରଙ୍କର ଘର ବେଗୁନିଆ ବ୍ଳକର ଗଡମାଣତୀର ଗ୍ରାମରେ। ସେହିଭଳି ଲାଞ୍ଚ ଟଙ୍କା ରଖିଥିବା ଅନ୍ୟ ଜଣେ ଦଲାଲ ତୁଳସିବେରଣା ଗ୍ରାମର ପ୍ରଫୁଲ୍ଲ ଚନ୍ଦ୍ର ପରିଡା(୪୦)ଙ୍କୁ ମଧ୍ୟ ଖୋର୍ଦ୍ଧା ଭିଜିଲାନ୍ସ ଗିରଫ କରିଛି। ଏନେଇ ୬୦/୧୯ରେ ମାମଲା ରୁଜୁ ହୋଇଛି।
ପ୍ରାପ୍ତ ସୂଚନା ଅନୁସାରେ, ବୋଲଗଡ଼ ତହସିଲ ତାଳତୁମ୍ବ ଗ୍ରାମର ଅକ୍ଷୟ ରାଉତରାୟଙ୍କର ଜେଜେ ବାଞ୍ଝାନିଧିଙ୍କ ପ୍ରାୟ ୨୦ ବର୍ଷ ତଳେ ମୃତ୍ୟୁ ଘଟିଛି । ଏହାକୁ ନେଇ ଲିଗାଲ ହାୟାର ସାର୍ଟିଫିକେଟ କରିବା ପାଇଁ ଏଆର୍ଆଇ ଦୁଇ ହଜାର ଟଙ୍କା ଲାଞ୍ଚ ମାଗିଥିଲେ । ନ ଦେଲେ ସାର୍ଟିଫିକେଟ କରିହେବନି ବୋଲି କହିଥିିଲେ। ଅକ୍ଷୟ ହଁ କରି ଖୋର୍ଦ୍ଧା ଭିଜିଲାନ୍ସ ସହ ଯୋଗାଯୋଗ କରିଥିଲେ। ଗୁରୁବାର ଅକ୍ଷୟଙ୍କଠାରୁ ଲାଞ୍ଚ ନେଇ ଏଆର୍ଆଇ୍ ତୁଳସିବେରଣା ଗ୍ରାମର ପ୍ରଫୁଲ୍ଲ ଚନ୍ଦ୍ର ପରିଡାକୁ ଦେଇଥିଲେ। ଭିଜିଲାନ୍ସ ଡିଏସ୍ପି ମନୋରଞ୍ଜନ ପାଇକରାୟଙ୍କ ନେତୃତ୍ୱରେ ୭ଜଣିଆ ଟିମ୍ ଏହି ଚଢ଼ାଉରେ ସାମିଲ ହୋଇଥିଲେ।