ବ୍ରହ୍ମପୁର ଅଫିସ,୧୧।୬- ପୋଲସରା ଥାନା ନିମିନା ଗ୍ରାମପଞ୍ଚାୟତ ସାନବରଗଁାସ୍ଥିତ ଲିଙ୍ଗରାଜ ହାଇସ୍କୁଲରୁ ରବିବାର ରାତିରେ ଚୋରି ହୋଇଛି। ସ୍କୁଲ ମୁଖ୍ୟ ଫାଟକ ଓ ଅଫିସ ଗୃହ ତାଲା ଭାଙ୍ଗି ୪ ହଜାର ଟଙ୍କା, ଗୋଟିଏ ଫ୍ୟାନ, ମାଇକ୍ରୋଫୋନ ୩ଟି, ପେନଡ୍ରାଇଭ୍ ଗୋଟିଏ ଚୋରି ହୋଇଥିବା ପ୍ରଧାନ ଶିକ୍ଷକ ଚନ୍ଦ୍ରଶେଖର ସାହୁ ସୋମବାର ସନ୍ଧ୍ୟାରେ ଏତଲା ଦେଇଛନ୍ତି। ସେ ସୋମବାର କୌଣସି ଏକ କାର୍ଯ୍ୟରେ ବିଦ୍ୟାଳୟକୁ ଆସିଥିବାବେଳେ ଅଫିସ ଗୃହ ସହ ଫାଟକ ଖୋଲା ଥିବା ଦେଖିଥିଲେ। ଘର ଭିତରକୁ ଯିବାରୁ ଜିନିଷପତ୍ର ଏଣେତେଣେ ପଡିଥିଲା। ଏନେଇ ସନ୍ଧ୍ୟାରେ ପ୍ରଧାନଶିକ୍ଷକ ପୋଲସରା ଥାନାରେ ଲିଖିତ ଅଭିଯୋଗ କରିଥିଲେ। ପୋଲିସ ସ୍କୁଲକୁ ଯାଇ ତଦନ୍ତ କରି ଫେରିଛି। ଲିଙ୍ଗରାଜ ହାଇସ୍କୁଲ ପାର୍ଶ୍ୱରେ ଥିବା ମା’ ସିଂହାସନୀ ଏମ୍ଇ ସ୍କୁଲ ତାଲା ମଧ୍ୟ ଭଙ୍ଗା ଯାଇଥିବା ଦେଖିବାକୁ ମିଳିଥିଲା।
